Шымбайда Қарақалпақстан Республикасы Əдиллик Министрлигиниң басламасы менен көшпели қабыллаў болып өтти

Жақында 8-санлы «Балалар музыка ҳәм көркем-өнер мектеби»нде Қарақалпақстан Республикасы Əдиллик Министрлигиниң басламасы менен көшпели қабыллаў болып өтти.

Оған Қарақалпақстан Республикасы Əдиллик Министрлигиниң инсан ҳуқықларын қорғаў бөлими баслығы Ғ.Тилеўмуратов, бас мәсләҳәтшиси Е.Утепов, Шымбай районы Əдиллик бөлими баслығы Ф.Романов, Халық қабыллаўханасы районлық бөлиминиң баслығы А.Реймов, район Прокурорының орынбасары Б.Байманова, Салық инспекциясы районлық бөлими баслығы А.Рахметуллаев, ра­йонлық Медицина бирлеспеси баслығы Д.Ембергеновлар тийисли кәр­хана-шөлкем басшылары ҳәм пуқаралар қатнасты.

Қабыллаўда көплеген пуқаралардың мүрәжатлары тыңланды. Атап айт­қанда Қырыққыз көшеси турғыны С.Салиев өзиниң жасап тур­ған жа­йының бузылыўы мүнәсибети менен орнына жаңадан еки этажлы жай салыўға кредит алыўда әмелий жәрдем сорағанлығы, «Гүжимли» мәкан пуқаралар жыйыны турғыны Қ.Серимбетова «Қазы Мәў­лик» көшесинде кирейде туратуғынлығын ҳәм кирейде туратуғынларға балалар напақасы берилмейме? деген сораў дөгерегинде мүрәжат етти. Сондай-ақ, «Р.Зарипов» көшеси 126-жайда жасаўшы Бийбихатша Ибраимова көше жолларының тозыўы жеткенлигин, усы аймақтағы ислеп турған суў насостың ҳәзирги ўақытта бузылып қалғанлығын айтып, усыған жәрдем берилиўин сорады.

Қабыллаўда бир қатар машқалалардың шешими табылып, бул мәселелер бо­йынша тийисли тараў басшыларына тапсырмалар берилди.

     

 

Артықгүл САҒЫНДЫҚОВА,

Бөлимлер