"Ең жақсы ҳуқық үгит-нәсиятшиси” таңлаўында катнасың ҳәм қымбат баҳалы саўғаны қолға киргизиң

Өзбекстан Республикасы Әдиллик министрлиги пуқаралардың ҳуқықый ҳәм жәмийетлик белсендилигин жәнеде жоқарылатыў, ҳуқықый саўатханлығын асырыў, халық арасында кең көлемли үгит-нәсият жумысларын әмелге асырып атырған ҳуқық үгит-нәсиятшыларын анықлаў ҳәм оларды мүнәсип тәризде хошаметлеў мақсетинде “Ең жақсы ҳуқық үгит-нәсиятшиси” таңлаўын өткереди.
Таңлаў төмендеги 10 номинация бойынша өткериледи:
“Ҳуқықый үгит-нәсияттағы пидәйылығы ушын”;
“Ҳуқықый мәдениятты үгит-нәсиятлаўшы ең жақсы қәнийге”;
“Ҳуқықый мәдениятты үгит-нәсиятлаўшы ең жақсы журналист”;
“Ҳуқықый мәдениятты үгит-нәсиятлаўшы ең жақсы ҒХҚ”;
“Ҳуқықый мәдениятты үгит-нәсиятлаўшы ең жақсы блогер”;
“Ҳуқықый мәдениятты үгит-нәсиятлаўшы ең жақсы сайт”;
“Ҳуқықый үгит-нәсияттағы ең жақсы инновациялық жойбар”;
“Мәҳәлледе ҳуқықый мәдениятты жоқарылатыўдағы белсендилиги ушын”;
“ Ҳуқықый үгит-нәсияттағы ең жақсы бирге ислесиўши”;
“Ең жас ҳуқық үгит-нәсиятшиси ”.
Таңлаў Ғәрезсизлик байрамы қарсаңында өткериледи. Онда қәнийгелиги ҳәм кәсибине қарамастан, Өзбекстанның 18 жасқа толған барлық пуқаралары қатнасыўы мүмкин.
Таңлаўда қатнасыў ушын ҳүжжетлер усы жылдың 25-июлине шекем қабыл етиледи. Белгиленген мүддеттен соң тапсырылған ҳүжжетлер ҳәм материаллар көрип шығылмайды.
 Таңлаўды өткериў тәртиби ҳәм шәртлери ҳаққында толық мағлыўмат пенен http://www.minjust.uz (@huqiqiymalimleme) сайтында танысыўыңыз мүмкин.

Бөлимлер