Нөкис-Хожели автомобиль жолының Х.Абдамбетов көшеси, «Әжинияз» атындағы мәмлекетлик педагогика институты ҳәм «Бүлбүл» балалар бақшасы алдында жол ҳәрекет қәўипсизлигин тәмийинлеў ҳаққында

06.09.2016 жыл

№06/09-51

 

Нөкис қаласы

 

 Нөкис-Хожели автомобиль жолының Х.Абдамбетов көшеси, «Әжинияз» атындағы мәмлекетлик педагогика институты ҳәм  «Бүлбүл» балалар бақшасы алдында жол ҳәрекет  қәўипсизлигин тәмийинлеў ҳаққында

 

Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының 2016-жыл 20-июль 11/6-2547-санлы, 2016-жыл 27-июль 11/6-2650-санлы, 2016-жыл 2-август 11/6-2722-санлы   ҳәм  11/6-2727-санлы автотранспорт айдаўшыларының тезликти асырыўы нәтийжесинде велосипед айдаўшылар ҳәм пиядаларды қағып кетиў жағдайлары көплеп ушырасып, аўыр ақыбетли жол транспорт ҳәдийселери келип шығып атырғанлығы себепли, автотранспортлардың қәўипсиз ҳәрекетлениўин тәмийинлеў мақсетинде, жол белгилерин орнатыў ҳаққындағы усынысларын қарап шығып, Өзбекистан Республикасының «Жол ҳәрекети қәўипсизлиги ҳаққында»ғы Нызамы («Ўзбекистон Республикаси қонун ҳужжатлари тўплами», 2013 йил 15 апрел, 15-сон, 197-модда)ның 7-статьясына, «Жергиликли мәмлекетлик ҳәкимият ҳаққында»ғы Нызамының 25-статьясына муўапық,

 

Ш Е Ш И М   Е Т Е М Е Н :

 

1.Төмендегилер:

а) 4Р-174 «Нөкис-Хожели» автомобиль жолының 2-2,5 км аралығында  Х.Абдамбетов көшеси жолының шеп тәрепине 3.27 «Тоқтаў қадаған» жол белгиси;

б)«Әжинияз» атындағы мәмлекетлик педагогика институты Ж.Аймурзаев көшеси А.Досназаров ҳәм И.Юсупов көшелери кесилиспеси аралығында    2-дана 3.28 «Тоқтап турыў қадаған» жол белгиси;

в) «Бүлбүл» балалар бақшасы алдында 3.24 «Жоқары тезлик шекленген»
(50 км/с) жол белгиси орнатылсын.

2.Жол белгилерин белгиленген тәртипте орнатыў, Қарақалпақстан Республикасы Ишки ислер министрлиги Жол ҳәрекети қәўипсизлиги басқармасының жол қәўипсизлиги бөлими баслығы Р.Машариповқа тапсырылсын.

3.Усы шешимниң орынланыўын қадағалаў Нөкис қаласы ҳәкиминиң биринши орынбасары                              Б. Абдимуратовқа жүкленсин.

4.Бул шешим қалалық «Нөкис ҳақыйқаты» газетасында рәсмий жәриялансын ҳәм ҳәкимлик рәсмий веб-сайтында жайластырылсын.

5.Бул шешим рәсмий жәрияланған күннен баслап күшке киреди.

Бөлимлер