Қанлыкөлде Мәмлекетлик хызметлер орайы «Абат аўыл» аймақларына барып хызмет көрсетти

Ɵзбекистан Республикасы Президентиниң 2018 жыл 29 марттағы «Абат  аўыл» дәстүри ҳаққындағы ПФ-5386-санлы Пәрманы ҳәм ПҚ-3630-санлы қарарларына тийкарланып социаллық аўыр аўыллар таңлап алынып, усы аўылларды социаллық-экономикалық раўажландырыў, халықтың турмыс дәрежесин жақсылаў ҳәм оларға қолай шараятлар жаратыў мақсетинде тийисли ис-иләжлар әмелге асырылмақта.

Мәмлекетлик хызметлер орайы қәнигелери тәрепинен, «Бостан» аўыл пухаралар жыйынында: электр тармағына жалғаныў бойынша 1, газге жалғаныўға 2, суў ҳәм ақаба суў, канализация системасына жалғаныўға 2, электрон санлы имза сертификатын бериўге 43, қурылысы тамамланған (реконструкция қылынған) объектти пайдаланыўга қабыл қылыўға 1, балаларды мәмлекетлик мектепке шекемги билимлендириў орайларына қабыл қылыў бойынша арза бериўге 10, объектти қайта реконструкция қылыўға рухсат бериўге 1, пуқараны жыйналып барылатуғын пенсия системасына есапқа қойыўға 7, дизимнен өткериў бойынша 1 мүрәжатлер қабыл етилди.

«Бескөпир» аўыл пуқаралар жыйынында: электр тармағына жалғаныў бойынша 5, газге жалғаныўға 2, суў ҳәм ақаба суў, канализация системасына жалғаныўға 1, электрон санлы имза сертификатын бериўге 33, қурылысы тамамланған (реконструкция қылынған) объектти пайдаланыўга қабыл қылыўға 5, объектти қайта реконструкция қылыўға рухсат бериўге 1, пуқараны жыйналып барылатуғын пенсия системасына есапқа қойыўға 7, дизимнен өткериў бойынша 1, судланғанлық (судланбағанлық) бойынша мағлыўматнама бериў бойынша 2, өзбасымшалық пенен қурылған имаратларға болған мүлк ҳуқуқын алыў ушын 1 мүрәжатлер қабылланды.

Соның менен бирге, районда дәстүрге кирген аймақларында Ɵзбекистан Республикасы Президентиниң ҳәм Министлер Кабинетиниң исбилерменлик субъектлерине, физикалық ҳәм юридикалық шахсларға мәмлекетлик хызметлерди көрсетиў ҳаққындағы Пәрманы, қарарлары негизинде 12 рет ҳуқуқый үгит-нәсият жумыслары әмелге асырылып, мәмлекетлик хызмет түрлери бойынша 1658 дана буклетлер тарқатылды ҳәмде 411 уйлерге барып, хожалық жағдайы үйренилди, 354 хожалық пуқараларына мәсләҳәтлер берилди.

Дерек: Kanews.uz

Бөлимлер