ӨзАның Қарақалпақстан Республикасы бойынша хабаршысы Қазақстан бойлап саяхатқа шықты

ӨзАның хабаршысы Есимқан Қанаатов Қазакстан бойлап 2 ҳәптелик саяхатқа шықты. Бул ҳаккында Е.Қанаатов ФБтағы бетинде пост қалдырды.

Е.Қанаатов усы сапары даўамында Алмата қаласы ҳәм усы қала аймағындағы Көктөбе төбелиги, Медеў, Шымалған таў-шаңғы комплекслеринен фоторепортажлар таярлайды.

Оннан соң Астана қаласына барып, ол жерде Қазақстан пайтахтының ең көрнекли жерлери –Байтерек, Хан шатыры, Нур Астана мешити, Астана экспоорайы, Назарбаев орталығы ҳәм т.б. саяхат етип, орынлардан арнаўлы репортажлар таярлайды.

Сапардың кейинги басқышы “Қазакстан Швейцариясы” деген ат пенен дуньяға белгили Көкшетаў аймағынан журналистлик материаллар таярланады. Көкшетаў аймағында Бурабай көли, Оқжетпес, Жумбақтас, Имантаў сыяқлы курортлық орынлар журналист сапары режесине киргизилген.

Е.Қанаатовтың сапары Балхаш көлине саяхат етиў менен жуўмакланады.

Қарақалпақстан Республикасы Министрлер Кеңесиниң Мәлимлеме хызмети

 

Бөлимлер