Тахтакөпирде “Пуқаралар емес – ҳүжжетлер ҳәрекетленеди” ма?

 

Мәмлекетимизде 2003-жылдан берли исбилерменлик субъектлерин “бир айна” принципи бойынша дизимнен өткериў район (қала)лар ҳәкимликлери жанындағы исбилерменлик субъектерин дизимнен өткериў инспекциялары,  
2016 жыл 1-январдан баслап Инспекциялар негизинде  Исбилерменлик субъектлерине “бир айна” принципи тийкарында мәмлекетлик хызметлерди көрсетиў “бир айна” орайлары тәрепинен әмелге асырылып келинген. 2017 жыл
1-февралдан “бир айна” орайларының район (қала)лар ҳәкимликлери қурамынан Өзбекстан Республикаси Әдиллик министрлиги қурамына өткерилди.

Ҳәзирги күнде мамлекетлик хызметлер орайларында халыққа инновацион технологиялар ҳәм заман талапларына сәйкес тәризде 57 ден аслам мәмлекетлик хызметлери көрсетилип келинбекте.

            Усындай унамлы ақыбетлерин жәнеде кеңейттириў мақсетинде қарарда талап ең жоқары болған қосымша 68 турдеги лицензия ҳәм рухсатнамаларды
2018-2020-жыллар аралығында мәмлекетлик хызметлер орайлары арқалы ҳүжжетлестириў механизмин басқышпа-басқыш шөлкемлестириў нәзерде тутылмақта.

            Соның менен бирге пуқараларға 2018-2020 жылларда Мәмлекетлик хызметлер орайлары арқалы 58 түрдеги мәмлекетлик хызметлер басқышпа-басқыш көрсетилиўи белгилеп берилген болып, усы жылдың 1-сентябрь сәнесинен баслап пуқараларға 19 түрдеги хызметлер көрсетилип басланды.

Тахтакөпир районы мәмлекетлик хызметлер орайы арқалы мәмлекетлик хызметлерди көрсетиў ушын алыс орынларға шығыў арқалы мәмлекетлик хызметлерин көрсетиў шөлкемлестирилген. 2018-жылдың 1-январь сәнесинен баслап орай арқалы жәми 3787 мәмлекетлик хызметлер көрсетилип, соннан пуқараларға 3583 ҳәм исбилерменлерге 204 мәмлекетлик хызметлер көрсетилди. 528 хызмет район орайынан алыс аймақларға шығып көшпели мәмлекетлик хызметлерин көрсетиў арқалы әмелге асырылды.

Соның менен бирге орай тәрепинен 360 исбилерменлик субъектлери мәмлекетлик дизимнен өткерилип, соннан 41 исбилерменлик субъектлери базар комплексинде ҳәм алыс орынларға шығыў арқалы көшпели дизимнен өткерилди.

Буннан басқада орай тәрепинен халыққа Өзбекстан Республикасы Президентиниң 2017-жыл 12-декбарьде “Халыққа мәмлекетлик хызметлер көрсетиўдиң миллий системасын түптен реформа қылыў ис-илажлары ҳақкында”ғы 5278-санлы Пәрманы ҳәмде “Өзбекстан Республикасы Әдиллик министрлиги жанындағы Мәмлекетлик хызметлер агентлиги жумысын шөлкемлестириў ҳаққында”ғы 3430-санлы қарарының мазмун-мәнисин кең түрде түсиндириў, Мәмлекетлик хызметлер орайы тәрепинен пуқараларға көрсетилип атырған хызметлердиң түрлери бойынша түсиндириў мақсетинде район аймағындағы пуқаралар жыйынларында, шетки аўыл ҳәм мәҳәллелерде 62 мәрте ушырасыўлар, дөңгелек стол сәўбетлесиўлери ҳәмде семинар-тренинглер өткерилип, халыққа 6500 ден зыят буклетлер тарқатылды.

           

Тахтакөпир районы

мәмлекетлик хызметлер орайы бас қәнигеси                                               Г.Даўлетиярова

Бөлимлер