Фото факт: Дослық гүзәри 105-жайдың басындағы профнастил шифери ушып түскен

12-ноябрь күни болған самал нәтийжесинде Нөкис қаласы Дослық гүзәри 105-жайдың басындағы профнастил шифери ушып түскен. Аймақ турғынының берген мағлыўматына қарағанда, ўақыя нәтийжесинде ҳеш ким жарақатланбаған. Бирақ, шиферлар қулаған көликлерге зыян жеткен. Ҳәзир аймақ ушып түскен шиферлардан тазаланып тасланған.

Күшли самал нәтийжесинде бундай болып жайлардың басындағы профнастил шиферлардың ушыўы Өзбекстанда биринши мәрте болып атырған ўақыя емес. Усы жылдың ишинде Тақиятас районында да бундай жағдай жүз берген еди.    

Мағлыўмат ушын, Өзгидромет 12-15-ноябрь күнлери Россияның (Москва областы) Европа аймағы орайлық районларында жүзеге келген суўық ҳәм салыстырмалы ығал ҳаўа массасы Батыс Қазақстан арқалы Өзбекстан аймағына кирип келиўин хабарлаған еди.

Самалдың тезлиги секундына 18-23 метрге шекем, айsрым ўақытлары 25-28 метрге шекем күшейиўи айтылған.

 

Текст: makan.uz

Бөлимлер