«Жаслар-келешегимиз» мәмлекетлик бағдарламасы әмелде

Өзбекстан Республикасы Президентиниң 2018-жыл 27-июнь күнги ««Жаслар-келешегимиз» мәмлекетлик дәстүри ҳаққында»ғы ПФ-5466-санлы Пәрманы талапларының орынланыўы бойынша республикамыздың барлық орынларында үгит-нәсият жумысларын алып барылып, пәрман талапларына муўапық, аймақларда штаб дүзилип, өз жумысын басламақта.

Штаблардың мақсети, жаслар исбилерменлигин ҳәр тәреплеме қоллап-қуўатлаў, жасларды бизнес пенен шуғылланыўы ушын қолайлы шәраятлар, жумыс орынларының жаратылыўына, аймақларда жумыссыз жаслар қатламының бәнтлиги тәмийинлениўине қаратылған болып, инвестиция ҳәм социаллық комплекслер, коммерциялық банклердиң районлық филиалы, пуқаралардың өзин-өзи басқарыў органлары менен биргеликте исбилерменлик жумысы менен шуғылланыў тилегиндеги, бәнт болмаған жасларды анықлаў, жаслардың паспортларын қәлиплестириў, жаслардың бизнес басламалары, старт-ап, идеялар ҳәм жойбарларын ислеп шығыўда керекли ҳүжжетлер ҳәм материалларды таярлаўда, рәсмийлестириўде, исбилерменлик жумысын шөлкемлестириўде жасларға байланыслы анықланған кемшиликлери сапластырылып, исбилерменлигин баслаўда жәрдем бериў болып табылады.

Қанлыкөл район аймағында дүзилген 4 сектор шеңберинде 11 исши  топары шөлкемлестирилип, аймақларда үйме-үй жүрип, орынларда, шетки аймақларда ушырасыўлар өткерилип, жаслардың жумыссыз ҳәм питкериўши жаслардың мүрәжатлары, билдирилген усыныслары тынланбақта.

Бүгинги күнде, исши топар тәрепинен 8116 шаңарақтан, соның 14-30 жас аралығындағы 12 816 жаслардың (соннан 5992 ҳаял-қызлар) пикир ҳәм усыныслары үйренилип, түрли тараўлар бойынша жәми 926 жас исбилерменлигин баслаў ушын кредит алыўға қызығыўшылығын билдирген жаслар анықланды.

Дерек: kanews.uz

Бөлимлер