Қандай усыныслар бар?

Сәрбиназ Төрешова Республика жаслар орайы Қарақалпақстан бөлими “Жас журналистлер” дөгерги тренери. Бердақ атындағы Қарақалпақ мәмлекетлик университети магистранты.
Пикир ҳәм усынысларым жаслар мәпи ушын хызмет етсе мен буннан қуўанаман.


Биринши мәрте бакалаврда –курста оқып атырған ўақтымда Ташкент ўәлаятындағы  жаслар дем алыў орайына “Жас журналистлер медиа тренингине барғанымда” жаслардыӊ дерлик 60-70 пайызы “Сәлем, сиз қарақалпақстанлысыз я? Фурқат Юсупов, Ҳүрлиман Нуржанова ҳәм Гүлжаҳан Сейтназаровалар жақсы жүрме? Сәлем айтыӊ оларға?”, деген сөзлерди жүдә көп еситтим ҳәм ойладым ϴзбекстан Жаслар аўқамы Қарақалпақстан Республикалық Кеӊеси қасындағы “Жас журналистлер” клубыныӊ тренерлерин  ҳәмме таныйды екен. Бул жаслар Республикамыздыӊ ҳәр жеринен келген болыўына қармай я деген ой өтти қыялымнан. Ҳәм мен семинарда “Жас журналистлер” клубында топлаған тәжрийбемди әмелде көрсетип, өз пикир ҳәм усынысларым менен белсенди қатнасып, көплеген дослар арттырып қайттым.


Ташкенттен келген күним анама Ташкентте ҳәмме бизлердиӊ клубымыз тренерлерин сорады менен, енди Қарақалпақстан Республикасынан “Жас журналистлер” семинар-тренингине барғанларға мен ҳаққымда қандай пикирлер айтады екен деп, қолымнан келгенше өз пикирлеримди ҳәм жаслар ушын пайдасы тийетуғындай усыныслар бериўге ҳәрекет еткенимди айтып бердим. 


Арадан бир жыл өтип, клубымыздыӊ кейинги ағзаларыда Ташкеттеги болыў үрдиске айланған “Жас журналистлер” семинар-тренингине қатнасып келип, “сизди ҳәмме сорадаў, ол семинарда барлық ўәлаятлардан адам болды қалай ҳәмме танып алғанба сизди” дегенинде ишимнен қуўанып қойдым. Демек өз сөзлерим арқалы пикир ҳәм усыныс билдиргеним көпшиликтиӊ ядында екен. Бул дегени олар ушында әҳмийетли нәрсени айта алыппан. 


Биринши қатнасқан медиа форумнан  соӊ мен көплеген семинарларда, фестивалларда, жаслар мәселелери бойынша конференцияларда қатнасып, өз пикир ҳәм усынысларымды билдирип келмектемен. Студентлик ўақтым көп қызықлы ўақыялар ҳәм жақсы дослар қоршаўында өтти. 


Клара Худайбергенова

Бөлимлер