O'zLiDep 15 жаста

Усы жыл 10-ноябрь күни Олимпия ҳәм миллий спорт түрлери бойынша Нөкис жоқары спорт шеберлиги мектебинде исбилерменлер ҳәрекети – Өзбекстан Либерал – демократиялық партиясы Қарақалпақстан Республикалық Кеӊеси тәрепинен ÓzLiDep партиясы шөлкемлестирилгениниӊ он бес жыллығы мүнәсибети менен «ÓzLiDep саламат турмыс тәризи тәрепдары» ураны астында жаслар арасында спорттыӊ мини фултбол ҳәм ҳаял-қызлар арасында мини стол тенис түрлери бойынша спорт жарыслары болып өтти.

Жарысда спорттыӊ ерлер арасында мини футбол ҳәм ҳаял-қызлар арасында мини стол тенис түрлери бойинша командалар өза-ара беллести.

Оған партияныӊ Қарақалпақстан Республикалық Кеӊеси хизметкерлери, тийисли мәкеме шөлкемлерден команда ағалары, партия белсендилери ҳәм ғалаба хабар қураллары ўәкиллери қатнасты.

 

Ерлер арасында спорттыӊ мини футбол түри бойынша өткерилген жарысда 1-орынды «Нукус ЕвроСтрой», 2-орынды «Кардар», 3-орынды «Хамкор Банк» нукус филиалы командалары жеӊип алды.

 

Ҳаял-қызлар арасында өткерилген мини стол теннис бойынша 1-орынды Гүлзира Абенова, 2-орынды Зухра Шамуратова, 3-орынды Раўшан Алиевалар жеӊип алды.

 

Сондай-ақ мини футбол бойынша 1-орынды жеӊип алған «Нукус ЕвроСтрой» командасына ÓzLiDep кубогы тапсырылды. Жарыста сыйлы орынды ийелеген команда ағзаларына медаль, диплом ҳәм қымбат баҳалы саўғалар тапсырылды. 

 

Жарыстан өткериўден мақсет келешегимиз ийелери болған жасларымыздыӊ саламатлығын еледе беккемлеў, олардыӊ спортқа болған қызығыўшылығын еледе асырыў, елимизде спорттыӊ ғалабалығына ерисиў, саламат турмыс тәризин қалиплестириўден ибарат.

Султан Зияев

Бөлимлер