«SCOPUS AWARD-2018» де ҚМУ профессоры Диплом менен сыйлықланды

Жоқары ҳәм орта арнаўлы министрлиги Elsevier басылымы менен биргеликте дүньяның ири илимий-аналитикалық мағлыўматлар базасы болған Scopus статискасы бойынша өзбекстанлы жетекши алымлардың атлары жәрияланды.

Сыйлықлаў мәресими усы жылдың 23-ноябрь сәнесинде Ташкент мәмлекетлик экономика университетинде шөлкемлестирилип, онда министрлик ҳәм шөлкемлер басшылары, QS Times Higher Education усаған жетекши ири рейтинг агентликлери ўәкиллери, Elsevier компаниясы қәнигелери, сырт елли экспертлер ҳәмде жоқары билимлелендириў мәкемелери ректорлары, проректорлары ҳәм докторантлар қатнасты.

«SCOPUS AWARD-2018» де ҚМУ профессоры Диплом менен сыйлықланды

 

Сыйлықланғанлар қатарында Бердақ атындағы Қарақалпақ мәмлекетлик университетиниң «Функционаллық анализ, алгебра ҳәм георметрия» кафедрасы баслығы, физика-математика илимлери докторы, профессор Каримберген Қудайбергеновта бар.

Профессор К.Қудайбергенов «SCOPUS AWARD -2018» сыйлықлаў мәресиминде «Top Researcher in Natural Sciences» дипломы менен сыйлықланды.

Мағлыўмат ушын, усы жылдың 23-март күни Жоқары ҳәм орта арнаўлы билимлендириў министрлиги ҳәм Elsevier илимий компанияси ортасында  «Илм-фан 2020» бирге ислесиў бағдарламасы имзаланған.

 

Парахат Ажимуратов

ҚМУ журналистика тәлим бағдары 3-курс студенти.

 

 

Бөлимлер