Қараөзек Мәмлекетлик хызметлер орайы тәрепинен қандай жумыслар әмелге асырылмақта?

Өзбекстан Республикасы Президентиниң «Халыққа мәмлекетлик хызметлер көрсетиўдиң миллий системасын түптен реформалаў ис-илажлары ҳаққындағы»ғы 5278-санлы Пәрманына муўапық шөлкемлестирилген Республикамыздың барлық район(қала)ларында шөлкемлестирилген Мәмлекетлик хызметлер орайлары 2018-жыл 1-январь күнинен баслап халықымызға хызмет көрсетип келмекте.

Сол қатардан, Қараөзек районы Мәмлекетлик хызметлер орайы да 2018-жыл өткен он ай даўамында халыққа 7723 хызмет көрсетилди.

Атап көрсеткенде, 255 исбилерменлик субъекти дизимнен өткерилди.

Буннан басқа, көшпели хызмет көрсетиў, мәмлекетлик хызметлер орайы хызметлерин халыққа кең түрде үгит-нәсиятлаў мақсетинде район аймағындағы аўыл пуқаралар жыйынларында бир қатар халық пенен ушырасыўлар өткерилди.   Сондай-ақ Президентимиздиӊ 2018-жыл 20‑апрельдеги “Пуқараларды социаллық қоллап-қуўатлаў бойынша қосымша  ис-илажлар ҳәмде өз басымшалық пенен қурылған турақ жайларға байланыслы мүлк ҳуқықын белгилеў бойынша бир мәртелик улыўма мәмлекетлик акциясын өткериў ҳаққында”ғы 5421-санлы Пәрманы қабыл етилип, пәрманға муўапық өз басымшалық пенен ийелеп алынған жер участкаларында яки имарат қурыў ушын рухсатнама алмастан қурылған турақ жайларға байланыслы мүлк ҳуқықын белгилеў бойынша бир мәртелик улыўма мәмлекетлик акциясы жәрияланды. Бул пәрманға муўапық Қараөзек районы Мәмлекетлик хызметлер орайы арқалы усы кунге шекем  189 мурәжет қабылланды.

Бул пәрманныӊ мазмун-мәнисин пуқараларға кеӊ түрде түсиндириў жумыслары алып барылып, Қараөзек районы орайынан 200 км узақлықта жайласқан “Қойбақ” АПЖ Қаратаў посёлкасында жасаўшы пуқаралардан бүгинги күнге шекем өз басымшалық пенен салынған яки имарат қурыў ушын рухсатнама алмастан қурылған 22 пуқараныӊ турақ жайларына мүлк ҳуқуқын белгилеў бойынша район ҳәкиминиӊ шешими қабыл етилип, кадастр ҳүжжетлери исленип берилди.

Қараөзек районы Мәмлекетлик хызметлер орайы  бөлим баслығы С.Баўберикова.

Бөлимлер