Рәсмий: Өрт өширилди

Алдын хабар бергенимиздей, бүгин, 3-декабрь күни Нөкис қаласы Темир жол вокзалы жанындағы имаратлардың биринде өрт келип шықты.

Makan.uz’ға Қарақалпақстан Республикасы Өрт қәўипсизлиги басқармасы баспасөз хызметиниң хабар бериўинше, Нөкис қаласы Темир жол вокзалы жанындағы «Қәнигелестирилген қурылыс материаллары» саўда комплекси аймағында жайласқан жеке исбилерменге қараслы азық-аўқат дүканының 28 м.кв жай бастырмасы жанған. Дүкан ишиндеги азық-аўқат өнимлери ҳәм жанындағы (жәми 7) дүканлар өрттен сақлап қалынған.

Өрттиң келип шығыў себеби жеке исбилермен тәрепинен жай бастырмасында әмелге асырып атырған кепсерлеў жумыслары ўақтында керекли қәўипсизлик шараларын көрмегени болып шыққан.

Дерек: makan.uz

 

Бөлимлер