«БМШ модели» халықаралық конференциясында ҚМУ дын 5 студенти қатнасты

Усы жылдың 14-16-декабрь күнлери аралығында Өзбекстан мәмлекетлик жәҳән тиллери университетинде Бирлескен Миллетлер Шөлкеминиң Халықаралық модели бойынша студентлердиң халықаралық конференциясы өткерилмекте.

Онда Өзбекстандағы БМШ, БМШның Раўажландырыў ўәкилханасы, ЮНЕСКО, ЮНИСЕФ ўәкиллери ҳәм Латвия, Ҳиндстан, Қазақстан, Аўғанстан, Тәжикстан, Қырғызстан сыяқлы мәмлекетлерден 32 студент-жаслар қатнаспақта.

Халықаралық конференцияға университетимизден 5 студент-жасларымыз қатнаспақта. Олар арасында Магистратура бөлими «Лингвистика: инглиз тили» қәнигелиги магистрантлары Зоя Сарсенбаева ҳәм Венера Бекмуратовалар да бар.

ул конференцияның мақсети жаслардың халықаралық шөлкемлер нызамшылық процеси менен жақыннан таныстырыў арқалы олардың ҳуқықый санасы ҳәм мәдениятын асырыў, олар арасынан қәбилетли, ел мәпин халықаралық ареналарда мүнәсип қорғаўды мақсет еткен жасларды анықлаў,  қоллап-қуўатлаў сондай-ақ, мәмлекетимиздиң раўажланған еллер қатарына кириў жолында әмелге асырылып атырған жумыслар ҳәм бунда жаслардың роли қай дәрежеде әҳмийетли екенлигин кең үгит-нәсиятлаўдан ибарат, дейди Зоя Сарсенбаева.

Конференция ҳәм оның жуўмақлары бойынша кейинги мақалаларымызда мағлыўмат берип барамыз.

ҚМУ Баспасөз хызмети.

Бөлимлер