Мойнақ районы Мәмлекетлик хызметлер орайы тәрепинен 2018-жылда қандай жумыслар әмелге асырылды?

Халыққа мәмлекетлик хызметлерин көрсетиў тараўында олардың сапасы, тезлиги, ашықлылығы ҳәм пайдаланыў имкәниятын түптен асырыў арқалы «Халық мәмлекет уйымларына емес, мәмлекетлик уйымлар халқымызға хызмет етиўи керек» деген идеяны әмелге асырыў ҳәмде мәмлекет хызметлериниң ҳәр бир түри бойынша «Пуқаралар емес, хүжжетлер ҳәрекетленеди» принципине муўапық мәмлекетлик хызметлерин көрсетиў механизимин, ең алды менен, артықша тәртип-қағыйдаларды сапластырыў, Республикамызда мәмлекетлик хызметлерин көрсетиў системасын избе-излик пенен модернизация қылыў мақсетинде  2017-жыл 12-декбрь күни Өзбекстан Президенти тәрепинен «Халыққа  мәмлекетлик хызметлерин көрсетиўдиӊ миллий системасын түптен реформалаў ис-илажлары хаққында» №5278-санлы пәрманы хәмде «Өзбекстан Республикасы Әдиллик Министрлиги жанындағы Мәмлекетлик хызметлер агентлигин шөлкемлестириў хаққында» 3430-санлы Президент қарары қабыл етилди.


Быйыл Мәмлекетлик хызметлер агентлиги шөлкемлесирилгенлигине бир жыл толды.Мойнақ районы Мәмлекетлик хызметлеры орай тәрепинен бир жыл даўамында бир қанша жумыслар әмелге асырылды.Атап айтатуғын болсақ жыл даўамында 200 ден аслам исбилерменлик субъектлери мәмлекетлик дизимнен ҳәм қайта дизимнен өткерилди.


 Сондай ақ физикалык ҳәм юридикалық шахсларға «Бир айна» принципи бойынша, соның менен бирге алыс жерлерге шыққан халда 6 мыңнан аслам мамлекетлик хызметлер көрсетилип соннан атап айтқанда, электрон санлы имза алыўға 1899, балаларды мектепке шекемги билимлендириў мекемелерине қабыл етиў ушын 906 пуқараның, СТИР алыў ушын 1739 пухараның, пухаралардың жамғарып барылатуғын пенсия тәмийнатына дизимге қойылыўына 396 пуқараның, мәнзил-мағлыўматнама мағлыўматларын алыўға 59 пуқараның, судланбағанлық (ямаса судланғанлық) ҳаққындағы мағлыўматнамаларын алыўға 177 пуқараның, қурылыс-монтаж жумысларын әмелге асырыўга рухсатнама алыўға 9 пуқараның арзалары қабыл қылынды.
Соның менен бир қатарда өз басымшалық пенен салынған жайларды ҳүжжетлестириўге яғный пуқараға мүлк ҳуқықын тән алып бериўде усы күнге шекем 175 пуқараның мүрәжатлары қабыл етип алынып, соннан ҳәзирги күнде 58 пуқараның мүрәжаты қанаатландырылған болып қалған пуқаралардың мүрәжатлары тийислилиги бойынша көрип шығылып атыр.
Усындай халқымыз мәпи ушын пайдалы жумыслар санын көбейтиў мақсетинде орай тәрепинен КР басқарма тәрепинен белгиленген график тийкарында районымызда жайласқан МПЖ ҳәм АПЖларға барып көшпели тәртипте хызметлер көрсетиўлер нәтийжесинде пуқараның жеке мүлк ҳуқықын тән алып бериў бойынша шыкқан район ҳәкиминиң қарарлары пуқараларға тапсырылып келмкете ал қалған пуқаралардың мүрәжатлары тийислилиги бойынша қабыл етип алынды. 


Мәмлекетлик хызметлерин көрсетиўде физикалық ҳәм юридикалық шахсларға бир қанша  мәлимлеме ҳәм мәсләҳәт жәрдемлери берилди.
Ўәкилликли мәмлекетлик уйымлары ҳәм басқа шөлкемлер тәрепинен мәмлекетлик хызметлерин көрсетиўде нызам хүжжетлери ҳәм ҳәкимшилик реглементлер талапларына әмел етилиўин тәмийинленди.
 


Мойнақ районы Мәмлекетлик хызметлер орайы  ҳүжжетлерди қабыл етиў ҳәм усыныў бөлими баслығы:        А.А.Утегенов
 

Бөлимлер