Қоңыратта «PLAY ROOM» атлы жаңа балалар бақшасы ашылды

Бақшаның ашылыў кешесине Қарақалпақстан Республикасы Мектепке шекемги билимлендириў министрлигиниң кадрлар бөлими баслығы Н.Зийўатдинов, район ҳәкиминиң жаслар сиясаты, социяллық раўажландырыў ҳәм руўхый-ағартыўшылық ислери бойынша орынбасары Б.Камалов, Районлық Мектепке шекемги билимлендириў бөлими баслығы Т.Абдижамилова, ҳәм басқалар қатнасты.

Мәкемениң ашылыў кешесинде балалардың қызықлы концерт бағдарламасы қойып берилди. Бақшада балалардың ўақтын мазмунлы өткериў ушын Инглис, Рус тиллери ҳәмде спорт түрилеринен көркем гимнастика, шахмат, шашка дөгереклери шөлкемлестирилген.

«PLAY ROOM» мәмлекетлик жеке-шерикшилик тийкарындағы мәмлекетлик емес мектепке шекемги билимлендириў мәкемеси «Бостан» МПЖ аймағында жайласқан. Мәкеме 100 орынға мөлшерленген ҳәм 15 адам турақлы жумыс орны менен тәмийинленди. Бул ҳаққында район ҳәкимлиги хабар берди.

Бөлимлер