«Мәртлик ҳәм қаҳарманлық» темасында өтилген арнаўлы сабақ ҚМУ студентлеринде үлкен тәсир қалдырды

Бүгин университеттиң барлық факультетлеринде Өзбекстан Республикасы Қураллы күшлери дүзилгениниң 27 жыллығы және Ўатан қорғаўшылар күни мүнәсибети менен «Мәртлик ҳәм қаҳарманлық» темасында арнаўлы сабақлар өтилди. Онда Арқа-батыс әскерий округи басқарыў аппараты офицерлери, мүддетли әскерий хызметин өтеп атырған бир топар әскерлер, университеттиң профессор-оқытыўшылары ҳәм студент-жаслар қатнасты.


Техника факультетинде де жоқары шөлкемлескенлик пенен өтилген сабақ студентлерде үлкен қызығыўшылық оятқаны сабақ барысында тараў хызметкерлерине берген сораўлары, пикир-усынысларында айқын көзге тасланды.


Мағлыўмат ушын, 2018-жыл 13-декабрьде Өзбекстан Республикасы Президентиниң «Өзбекстан Республикасы Қураллы күшлери дүзилгениниң 27 жыллығын және Ўатан қорғаўшылар күнин белгилеўге таярлық көриў ҳәм өткериў илажлары ҳаққында»ғы бийлиги қабыл етилди. Усы бийлик тийкарында 2018-жылдың 15-декабринен усы жылдың 15-январь күнлери аралығы республикамызда ўатансүйиўшилик айлығы етип белгиленди.
 

Искандар Юсупов, 
Техника факультети студенти

 

Бөлимлер