Маршуртлардың биринде… ямаса Шофёрди бездирген жолаўшылар

Телефон бул өмиримиздиң бир бөлегине айланып қалған. Бизлер қай жерде болсақта ҳәмийше жақынларымыз бенен телефон арқалы байланыста боламиз.  Жәмийетлик орынларда телефонда сөйлесиў қадаған етилгенинен бәршемиздиң хабарымыз бар. Лекин бул тәртипке бойсынбай атырған унамыз ўақыяларды, әсиресе, жәмийетлик транспортларда көплеп ушыратпақтамыз.

Жақында ғана сондай   ўақиялардың бирине  гуўа болдым. Жөнелисли маршуртта  кетип баратирсам, жасы қырықлардан өткен апа телефонда сөйлесип киятир. Биреўдиң гәпин еситиў әдепсизликтен, лекин транспорт ишинде буның илажы жоқ, қәлемесеңде еситиўге мажбүрсең «интернет магазинен көйлек алып едим, унамай қалды комплекс саўда орайынан сайлап жүрип алғанымда ҳеш бәле жоқ» деп тоңқылдап гүрсинип отыр. Соның арасында арқа орынлықта отырған жас қыздың телефонына қоңыраў келди,  олда «аўа», «яқ» -  деп телефонды жаўа қоймады ҳәр затты бир айтып отыра берди. Бир зат деп айтсаң қолайсиз, ол жерде басқа жолаўшыларда отырып индемеген соң жас киши болып бир зат айтыўды қолайсыз көрдим. Шофёр болса музика даўсын бәлент қойып машинани қатты айдап киятыр, музиканың бәлентлигинен шофёр жанында отырған адамның телефонда сөйлесип киятырғанын аңламаппан. Шофёр қатты ғәзеп пенен машина тормызын басып, - «ал сизлер телефонда сөйлесип алағойың, кип-киттай дамастың ишинде үш адам телефонда сөйлесип киятыр, музика даўсын шығарған сайын одан қатты сөйлейсиз» деп тоңқылдап машинаны шетке алды. Арқадағы екеўине тәсир етейин дедиме ләм-лим деместен телефонды өшириў менен болды. Алды орындықтағы адам пияңлаўға уқсады. «Азырақ минутим бар еди, соған сөйлесип едим оған не оншама, жолыңнан қалмай айдайбершиш, оған машинди тоқтатып, адамларды иркип» деди. Шофёр болса – «қасыңда биреў сөйлеп мийиңди жеп отырса, дыққатыңды бөлсе, не қыласаң жолыңа қарайсаңба я өсек тыңлап отырасаңба»-деп гәптен қалағоймады. Ҳәттеки екеўи ерегисип машинадан түсип жағаласпақшы да болды.

Сонда жасы үлқен ағанын бири «ҳаў қандай әдепсизлик, я ҳүрметсизлик болса бәрине жасларды айыплаймыз, мине жаслар усындай адамларды көрип не қылмайды дийсең» деп қаттылаў сөйледи.

Расында да бундай ўақиялар күнделикли турмысымзда көп ушыраспақта, жөнелисли маршуртларда көп болса 10-15 минут аралығында өз  мәнзилимизге жетемиз, сол кысқа  ўақыт ишинде бир-бимизге кесент етпей телефонда зәрүр болмаса түскеннен соң  сөйлессек жоқарыдағыдай келтирип өткен унамсыз ўақыялардың саны азаяр еди. Сонда шофёрда жолаўшыларда бир-бирине кесент етпей мәнзилине өз ўақтында жетип барар еди.

Гаўҳар Бегжанова

ҚМУ студенти

 

Бөлимлер