Хожели районы Mәмлекетлик хызметлер орайында 2019-жыл 1-январьдан қандай хызметлер қосылды?

Өзбекстан Республикасы Президентиниң 2017-жыл 12-декабрь күнги ПФ-5278-санлы Пәрманына тийкар ϴзбекстан Республикасы Әдиллик министрлиги жанында Мәмлекетлик хызметлер агентлиги шɵлкемлестирилди. Мәмлекетлик хызметлер орайларының тийкарғы ўазыйпалары  пуқаралар ҳәм  исбилерменлик субъектлерине тез ҳәм сапалы мәмлекетлик хызмет көрсетиў саналады. 2018-жыл даўамында пуқаралар ҳәм исбилерменлик субъектлерине 70 тен аслам Мәмлекетлик хызмет түринен  22 000 нан аслам хызметлер көрсетилди. Бул 2017-жыл усы дәуири менен салыстырғанда 30 есе көп екенин кɵрсетеди. 2018-жыл даўамында мыңға жақын исбилерменлик субъектлери жаңадан дизимнен ɵткерилди ҳәм 400 ден аслам исбилерменлик субъекти қайта мәмлекетлик дизимнен өткериў бойынша хызметлер кɵрсетилди.

2019-жыл 1-январь күнинен баслап турар жери бойынша прописка қылыў, пропискадан шығарыў, есапқа алыў,

жасаў орнына ўақтынша есапта турыў (прописка) ушын рухсатнамаларды бериў ҳәм мүддетин узайтырыў,

әскерий есапқа қойыў,

электр энергиясы, тәбий газ, суўды есапқа алыў (есаплағыш) үскенелерин орнатыўға арза бериў,

электр энергиясы, тәбий газ, суўды есапқа алыў үскенесин (есаплағышын) шешип алыўға арза бериў,

электр энергиясы, тәбий газ, суўды есапқа алыў үскенесин (есаплағышын) тексериўге арза бериў,

тренерлик пенен шуғылланыўға рухсат бериў киби 7 түрли Мәмлекетлик хызметлер қосылды. Бул халқымызға қосымша қолайлықлар жаратады.

Усы жылдың 14-январь күни Хожели районында бирге ислесиўши ўәкилликли мекемелер менен дɵңгелек стол әтирапында жыйналыс ɵткерилип 2018-жыл даўамында мәмлекетлик хызметлер кɵрсетиў барысында жол қойылған қәте-кемшиликлер, нызам  бузыўшылық ҳалатлары додаланып 2018-жыл даўамында ҳәкимшилик жуўапкершиликке тартытған лаўазымлы шахслар мысал ретинде кɵрсетилди ҳәмде келесиде бундай жағдайларды болдырмаў иләжларын кɵриў соралды.

Орайымыздың баслы мақсети коррупцияға қарсы гүресиўде пуқаралар емес ҳүжжетлер ҳарекетленеди принципине тийкарында пуқаралардың артықша ўақтын ҳәм қәрежетлерин үнемлеўди кɵзде тутады.

Хожели районы Мәмлекетлик хызметлери 
орайы бөлими баслығы Н.Есназаров

 

 

Бөлимлер