Шет елге шығыӯ ушын арнаўлы паспортлар өз ийелерине тапсырылмақта

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасы тәрепинен шет елге шығыӯ ушын арнаўлы паспортлар өз ийелерине тапсырылмақта.

Бул илажлар Өзбекстан Республикасы Президентиниң 2017 жыл 16 августтағы  «Өзбекстан Республикасы пуқараларының шет елге шығыӯ тәртибин жеделлестириўге қаратылған айрықша илажлар хаққында»ғы ПП-5156-санлы пәрманына муўапық әмелге асырылмақта.

 

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасы берген мағлыўматқа көре, жыл басынан усы күнге шекем Қарақалпақстан Республикасынан 1500 ден аслам пуқаралардың ҳүжжетлери қабыл етилген ҳәм ҳәзирги ўақытта паспортлар өз ийелерине избе-из ҳүжжетлестирилип берилмекте.

Өзбекстан Республикасы пуқараларының шет елге шығыӯы ушын берилип атырған усы биометрик паспорт – шет елге шығыӯ ҳәм Өзбекстан Республикасы аймағына кириӯ, сондай-ақ, шет елде турыӯ ӯақтында ийесининг шахсын ҳәм Өзбекстан Республикасының пуқарасы екенлигин тастықлайтуғын, паспорт ийесиниң жеке биографиялық мағлыӯматлары ҳәм биометрик параметрлери сақланған электрон хабар тасыӯшы (чипке) ийе болған хужжет болып табылады. Паспорт 48 беттен ибарат болып, тойғын қызыл реңде.     

 

– Өзбекстан Республикасы пуқараларының шет елге шығыӯы ушын берилип атырған усы биометрик паспортлар халқымыз ушын қолайлы шараят жаратып, пуқаралардың шет елге шығыӯ тәртибин, әсиресе,  мәмлекет шегарасы арқалы өткериў пунктлеринде паспорт қадағалаӯын әпиўайыластырады, – дейди Қарақалпақстан Республикасы ИИМ Миграция ҳәм пуқаралықты рәсмийлестириӯ басқармасының баслығы Б.Үббиниязов.

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасы тәрепинен шет елге шығыӯ ушын арнаўлы паспорт алыў нийетин билдирген пуқарлардың ҳүжжетлерин қабыллаў қызғын даўам етпекте.

 

Қарақалпақстан Республикасы Министрлер Кеңесиниң Мәлимлеме хызмети

Бөлимлер