Нөкис қаласының орайындағы колодецларға итибар қаратайық, қандай жағдайда екен?

Усы жылдың 19-январь күни Хожели қаласындағы ресторанлардыӊ биринде анасы менен тойға келген 2011-жылы туўылған жас бала А.А.ның колодецтиң ишине түсип кетип, дүньядан көз жумғаны ҳаққында мағлыўмат берип өткен едик.


Усы жас баланың өлиминен соң Қарақалпақстандағы ашық турған "колодец"ларға қарсы гүрес басланған еди. Бирақ, бул өз нəтийжесин көрсетпей атырғандай түйиледи.


Сөзимиздиӊ тастыйғы сыпатында мына мысалларды айтып өтким келеди. Нөкис қаласының орайындағы колодецларға итибар қаратайық, қандай жағдайда екен?


Пайтахт орайы "Қарақалпақстан" көшесиндеги "Модерно", "Дольче Габбана" кийим дүканлары алдында колодец қақпақлары жабық бирақ, оның əтирапы ойылып кеткенлиги себепли үстинен азғана бассаңыз ишине түсип кетиў итималы бар.

"Президент" көшесинде "Алоқа" банк əтирапинда жəне бир колодец ашық турғанында еслеткимиз келеди.

"Ташкент" мийманханасын 5 ашық турған колодецлар қоршап алған. Мениӊ пикиримше, бул мийманханаға келген саяхатшылар, мийманлар ушын қолайсыз жағдай болып көринбес пе екен?

Нөкис қаласындағы "Май ау'ылы" елаты "Гужым" көшесинде  еки колодец бир жерде жайласқан хəм олардын да қақпақлары ашық тур.

Төтркүл гүзарында "Элита" рестораны алдында да жəне еки колодецтиң де сол жағдайда.

Дурыс бүгинги күнде Қарақалпақстандағы ашық турған "колодец"ларға қарсы гүрес жумыслары алып барылмақта. Деген менен, жол жөнекей бийпарўалық етип абайсыздан өз ден саўлығымызға зыян жеткизбеўимиздиӊ тәрепдарыман.


Мен бир жас сыпатында бул мысаллар арқалы кимдудыр айыплаў нийетим жоқ текте, бийпарўалық етпестен усы кемшиликлеримизди биргеликте дүзесек жоқарыда келтирилген кеўилсиз ҳәдийселердиӊ алын алған болар ма едик дегим келеди.

Искандар Юсупов 
ҚМУ Техника факультети студенти

Бөлимлер