ҚМУ студенти номинация жеңимпазы

  •  
  •  
  •  
  •  
  •  

ҚМУ студенти номинация жеңимпазы

Усы жылдың 26-февраль күни Өзбекстан ҳаял-қызлар комитети ҳәм Өзбекстан «Ихтирочи аёллар» орайы ҳаял-қызлардың инновациялық идеялары, жойбарлары ҳәм исленбелерин енгизиӯде ҳәм оларды ҳәр тәреплеме қоллап-қуӯатлаӯ мақсетинде «Өзбекстан ҳаялларының ең жақсы 100 инновациялық жойбары» I Республикалық таңлаӯы болып өтти. Бул таңлаӯға ҳәр бир ўәлаяттан келген басқыш жеңимпазлары өзлериниң инновациялық жойбарлары менен қатнасты.

Таңлаӯда көргизбели материаллар (Буклет, видеоролик, макет, техник исленбелери ҳәм де ислеп шығарылған өнимлериниң үлгилери) менен қатнасқан ҳәр бир қатнасыӯшының жойбарлары қосымша баллар менен баҳаланды.

Бул таңлаӯға Бердақ атындағы Қарақалпақ мәмлекетлик университети техника факультети 4-курс студенти Асанова Сайёра «Ең жақсы пайдалы модель» номинациясы бойынша биринши дәрежели диплом менен сыйлықланды.

дерек: zaman.uz

Бөлимлер