Мәмлекетлик хызметлерди көрсетиӯ принципларын билесизбе?

1.Мүрәжатши-ҳәмийше ҳақдур.

Мәмлекетлик хызметлер орайлары хызметкерлери ҳәмийше мүражатшиниң сораӯын дурыс түсинириӯде жәрдем береди ҳам билимине таянған ҳалда жуӯап береди.

 

2.Мәмлекетлик хызметлерди көрсетиӯдиң ең тийкары-профессионаллық.

Мәмлекетлик хызметлер орайлары хызметкерлери тез ҳәм сыпатлы мәмлекетлик хызметлер көрсетеди. Олар өз жумысларын биледи, ҳүжжетлер менен итибарлы ҳам анықлық пенен ислейди, сондай ақ мүрәжатшиге шын кеӯилден маслаҳат береди.

 

3.Тыңлаӯ, түсинип еситиӯ ҳәм жәрдем бериӯ.

«Ҳәр бир мүрәжатшы ҳәм оның талаплары өзине тәндур» деген түсиник пенен мүрәжатшилерды тыңлайды, түсинип еситеди ҳәм оларға жәрдем береди. Себеби, ҳәр қандай нызым ҳүжжетлер пуқаралар машқалаларының барлық тәреплерин қамтып алыӯ имканияты жоқ. Сол себепли, хызметкердиң ӯазыйпасы-ҳәр бир пуқараның ҳалатына кире билиӯ.

 

4.Мүрәжатшының ӯақтын тежеӯ.

 Мәмлекетлик хызметлер орайы хызметкерлери ӯазыйпасы мүрәжатшилердиң ӯақтын тежеӯ, сораӯларына толық жуӯап бериӯ ҳәмде артықша аӯерегершиликлердиң алдын алыӯдан ибаратдур.

 

5.Ашықлық ҳәм қолайлық.

Мәмлекетлик хызметлер орайлары-орайға келиӯшилер ушын заманагой архитектура талапларына жуӯап беретуғын қолай шараятларға ийе дәргайдур, сондай ақ тийисли мәмлекетлик хызметлерди алмақшы болған ҳәр қандай пуқара усы дәргайға келиӯи мүмкин.

6.Әлпайымлылық ҳам кишипийиллик.

Мәмлекетлик хызметлер орайлары хызметкерлери ҳәр бир пуқараны сыйлы қонақтай, оларды әлпайым, кишипийиллик, күлешырай ҳәм көтериңки рухта күтип алады.

 

7.Мәмлекетлик хызметлерди көрсетиӯ ушын жуӯапкершилик.

Мәмлекетлик хызметлерди көрсетиӯ-хызмет көрсетиӯ мүддетлери бузылмаған ҳалда талап етилген мағлыӯматларды мүрәжатшилерге усынғандағана жуӯмақланған есапланады. Ҳәр бир орайға келиӯши мүражатшилер хызметкерлердиң әмелге асырған жумыслырын усы қатаң тәртипте баҳалайды.

 

8.Инсанларға жардем бериӯ.

Мәмлекетлик хызметлер орайларының ҳәр бир хызметкери мәмлекетимиз басшысының «Халық мәмлекетлик шөлкемлерге емес, мәмлекетлик шөлкемлер халқымызға хызмет етиӯи керек» үлкен идианы сөзсиз әмелге асырыӯ ушын хызмет қылады. Сол себепли мәмлекетлик хызметлер көрсетиӯ олар ушын тек ғана кәспи емес, олар ушын үлкен бахыт есапланады.

Мәмлекетлик хвзметлер орайлары хызметкерлери тәрепинен мәмлекетлик хызметлер көрсетиӯ барысында усы принцплерге әмел етпеген ҳалларға туӯра келсеңиз, 1148 нөмерли «Исеним телефоны» на мүрәжат етиӯлериңизди сораймыз. 

«Халық мәмлекетлик шөлкемлерге емес, мәмлекетлик шөлкемлер халқымызға хызмет етиӯи керек». Президентимиз тәрепинен алға қойылған ҳәм пүткүл өмиримизден тийкарғы орын алған усы принцп халқымыздың бул өмирден разы болып жасаӯға имкәниятлар жаратпақта.

Қоңырат районы Мәмлекетлик хызметлер орайы Ҳүжжетлерди қабыллап алыӯ ҳам усыныӯ бөлими баслығы Б.К.Мамбеткаримов

Бөлимлер