ҚМУда флешмоб

Бердақ атындағы Қарақалпақ мәмлекетлик университети Физика-математика факультети профессор-оқытыўшылары ҳәм студент-жаслары Д.Менделеевтиң химиялық элементлер дәўирлик системасының жаратылғыналығына 150 жыл толыўы мүнәсибети менен бир қатар илажларды әмелге асырды.

Университет бас имараты алдында факультеттиң 200 студент-жасларынан «150» санын қурады. Бундай илаждың әмелге асырылыўы өз гезегинде студент-жасларда өзгеше тәсирлер қалдырды.

Мағлыўмат ушын, 1869-жылы 17-февраль күни (жаңа стиль бойынша 1-март күни) уллы рус алымы Дмитрий Иванович Менделеев химиялық элементлердиң дәўирлик системасының биринши вариантын дүзди ҳәм сол айда Н.А.Меншуткинниң редакторлығында шығып турған Рус химиялық жәмийетиниң журналында “Элементлердиң атомлық салмақлары менен қәсийетлердиң қатнасы” мақаласында жарық көрди (ЖРХО, 2-3 санлар, 60-77 бетлер). Менделеев кестеси келтирилген бул мақаланың рефераты сол 1869-жылы немис тилинде “Zeitschrift für Chemie” журналының 405-406 бетлеринде басылып шықты. “Рус химиялық жәмийетиниң журналы” кейинирек “Журнал экспериментальной и теоретической физики” (ЖЭТФ) журналына айланды.

Дерек: karsu.uz

Бөлимлер