«Siemеns» компаниясы департаментиниң директоры Қарақалпақстанға келмекте

Усы жылдың 19-март сәнесинде Германияның «Siemеns» компаниясы департаментиниң директоры Лауро Флеминг басшылығындағы делегация ағзаларының Қарақалпақстан Республикасына келиўи күтилмекте.

Сапар етиўден гөзленген мақсет – «Siemеns» компаниясының Қарақалпақстан Республикасы Министрлер Кеңеси, Энергетика министрлиги ҳәм «Өзбекгидроэнерго» АЖ арасындағы бирге ислесиў перспективаларын додалаўдан ибарат.

Сондай-ақ, сапар етиўдиң бағдарламасына бола делегация ағзалары Мойнақ ҳәм Нөкис районларында болып, усы аймақлардың бирге ислесиўдеги потенциалы менен танысады.

Мағлыўмат орнында атап өтиў орынлы, «Siemеns» компаниясы 1847-жылы Вернер Фон Сименс тәрепинен шөлкемлестирилген. Компания тийкарынан электротехника, электроника, энергетика үскенелери, транспорт, медициналық әсбап-үскенелер менен жақтыландырыўшы лампаларды ислеп шығарыў, сондай-ақ, санатың ҳәр қыйлы тараўларында, транспорт ҳәм байланыс тараўларына қәнигелескен хызметлерде жумыс алып барады.

Қарақалпақстан Республикасы Министрлер Кеңесиниң Мәлимлеме хызмети

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Қорақалпоғистон янгиликларини odnoklassniki'да кузатиб боринг - https://www.ok.ru/kruz.uz

 

Бөлимлер