Сәрдарлар Кеңеси беллести(+фото)

Усы жылдың 17-март сәнесинде Өзбекстан жаслар аўқамы Қарақалпақстан Республикалық Кеңеси, «Камалак» балалар  шөлкеми ҳәм Сәрдарлар Кеңесиниң жумыс нәтийжелилигин асырыў мақсетинде пайтахтымыздағы жаңадан тапсырылған Қарақалпақ мәмлекетлик жас тамашагөйлер театрында «Ең үлгили мектеп Сәрдарлар Кеңеси» ҳәм «Ең үлгили қала ҳәм районлық Сәрдарлар Кеңеси» таңлаўы өткерилди.  Таңлаўға жәми 180 Сәрдарлар Кеңеси ағзалары қатнасып, 3 шәрт тийкарында өз-ара беллести. 


«Ең үлгили мектеп Сәрдарлар Кеңеси» таңлаўының Қарақалпақстан Республикалық басқышында Нөкис қаласы И.Юсупов атындағы қәнигелестирилген мектеби сыйлы 1-орынды ийелеп Жаслар аўқамы Қарақалпақстан Республикалық Кеңеси статуеткасы, арнаўлы диплом ҳәм баҳалы саўғалар менен сыйлықланды. Сондай-ақ, Кегейли районлық 43-санлы улыўма билим бериў мектеби 2-орын, Қоңырат районлық 53-санлы улыўма билим бериў мектеби 3-орын, Тахтакөпир районы 7-санлы улыўма билим бериў мектеби ҳәм Беруний районы 65-санлы улыўма билим бериў мектеби Cәрдарлар Кеңеси белсендилиги ушын «Ҳүрмет жарлығы» менен сыйлықланды.


«Ең үлгили қала ҳәм районлық Сәрдарлар Кеңеси» таңлаўының Қарақалпақстан Республикалық басқышында Хожели районлық Cәрдарлар Кеңеси сыйлы 1-орынды ийелеп Жаслар аўқамы Қарақалпақстан Республикалық Кеңеси статуеткасы, арнаўлы диплом ҳәм баҳалы саўғалар менен сыйлықланды. Сондай-ақ, Шымбай районлық Cәрдарлар Кеңеси 2-орын, Қоңырат районлық Cәрдарлар Кеңеси 3-орын, Кегейли районлық  Cәрдарлар Кеңеси ҳәм Әмиўдәръя районлық Cәрдарлар Кеңеси  белсендилиги ушын «Ҳүрмет жарлығы» менен сыйлықланды.

 

 


- Таңлаўға ҳәр бир Cәрдарлар Кеңеси ағзалары қызғын таярлық пенен келген. Әсиресе, Нөкис қаласы И.Юсупов атындағы қәнигелестирилген мектеби ҳәм Хожели районлық Cәрдарлар Кеңесиниң өзгеше сахналық көринислери барлық қатнасыўшыларға өзгеше заўык бағышлады. Олар ҳәр бир шәртте өзлериниң билим дәрежесин көрсете алды, - дейди Жаслар аўқамы Қарақалпақстан Республикалық Кеңесиниң басланғыш шөлкемлер менен ислесиў бөлими баслығы  Р.Ташимов.

 

Индира Мамбетназарова.
Өзбекстан жаслар аўқамы Қарақалпақстан Республикалық Кеңеси баспасөз хаткери.

Бөлимлер