Тақыятаста көшпели қабыллаў

Тақыятас районының «Азатлық» аўыл пуқаралар жыйынында Қарақалпақстан Республикасы Жоқарғы Кеңесиниң Баслығы М.Ерниязовтың пуқараларды көшпели қабыллаўы болып өтти.

Илажға министрликлер менен ве­домстволардың, ҳуқық қорғаў уйымларының, район ҳәкимлигиниң басшылары, жәмийетлик шөлкемлердиң, ғалаба хабар қуралларының ўәкиллери қатнасты.

Ҳүрметли Президентимиздиң басламасы менен жол­ға қойыл­ған бундай қабыллаўлар тек қала ҳәм ра­йон орайларында емес, ал, ең шетки аўылларда да шөлкемлестирилмекте. Бул өз гезегинде мүрәжат етиўши пуқараларымызға бираз қолайлықлар жаратыў менен бирге, олардың турмысында ушырасып атырған машқалалардың өз ўақтында, унамлы шешилиўине хызмет етпекте.

Район орайынан узақта, Түркменстан Республикасы менен шегаралас жайласқан бул аймақта бүгинги күнде 4 мыңнан аслам халық жасайды.

Өткерилген көшпели қабыллаў барысында пуқаралар тийкарынан турақ жай, жумыссызлық, медициналық ҳəм коммуналлық хызмет көрсетиў сыяқлы мәселелерде мүрәжат етти.

Мүрəжатлардың белгили бөлеги орнында өз шешимин тапқан болса, қосымша үйрениў ҳəм ўақыт талап ететуғын мүрəжатлар бойынша тийисли министрлик, мəкеме ҳəм шөлкемлердиң басшыларына анық тапсырмалар берилди.

Бөлимлер