Нөкисте басқыншы ерли-зайыплыны пышақлады: олардың бири қайтыс болды

Бас Прокуратураның хабарына тийкарланып Sof.uz сайтының хабар бериўинше, усы жылдың 8-апрель күни Нөкис қаласы Тахтакөпир көшеси 66-жайда жасайтуғын пуқара үйинде жүрген намәлим адамның даўысын еситип, ол тәрепке барған ўақытта намәлим адам оны қастан өлтириў мақсетинде көкирек қуўыслығының оң тәрепине пышақ пенен бир мәрте урған.
Сондай-ақ, намәлим адам жәбирлениўши үйдегилерди жәрдемге шақырған ўақытта кирип келген өмирлик жолдасының көкирек қуўыслығының шеп тәрепине пышақ пенен бир мәрте урып, ўақыя орнынан қашып кеткен.
«А.Ш. алған жарақаты ақыбетинде ўақыя орнында қайтыс болған, Д.М. емлеўханаға жатқарылып, оператив түрде көрсетилген медициналық жәрдем нәтийжесинде оның өмири сақлап қалынған», - деп жазылған хабарда.
Бул жағдай бойынша Нөкис қалалық прокуратурасы тәрепинен Өзбекстан ЖКның 97-статьясы 2-бөлими «а» бәнти менен жынаят иси ашылған.

karinform.uz: Ислам Матеков

Бөлимлер