Өрт қәўипсизлиги басқармасы Айрықша жағдайлар министрилигине өткерилди

Өзбекстан Республикасы Президенти тәрепинен 2019-жыл 10-апрель күни «Өзбекстан Республикасында айрықша жағдайлардың алдын алыў ҳәм сапластырыў, өрт қәўипсизлигин тәмийинлеўдиң сапалы жаңаша системасын енгизиў ҳаққында»ғы пәрманы және «Айрықша жағдайлар структураларының жумысларын еледе жетилистириў бойынша шөлкемлестириў илажлары ҳаққында»ғы қарарға қол қойылды.


Мағлыўматларға қарағанда, қабыл етилген ҳүжжетлерге муўапық Айрықша жағдайлар министрлиги структурасына:


- Ишки ислер министрлигинен Өрт қәўипсизлиги бас басқармасы, оның аймақлық ҳәм қурамлық бөлимлери және Өрт қәўипсизлиги институты;


- Қорғаныў министрлигинен Гидрометеорологиялық процеслерге тәсир етиўди басқарыў хызмети өткерилди.


Сондай-ақ, Гидрометеорологиялық хызмет орайы Айрықша жағдайлар министрлиги системасынан Өзбекстан Республикасы Министрлер Кабинети қурамына өткерилмекте.


Ҳүжжетке муўапық, Нөкис, Қаршы, Самарқанд ҳәм Ферғана қалаларында кең көлемли айрықша жағдайларды сапластырыў ушын арналған аймақлық өрт-қутқарыў отрядлары шөлкемлестирилмекте.

Ислам Матеков

Бөлимлер