Шавкат Мирзиёев: "Қарақалпақстанда соңғы бес жылда 6 мың 500 жаңа киши бизнес субъекти шөлкемлестирилды"

ӨЗБЕКИСТАН РЕСПУБЛИКАСЫ ПРЕЗИДЕНТЛИГИНЕ ТАЛАБАН ШАВКАТ МИРЗИЁЕВТЫҢ ҚАРАҚАЛПАҚСТАН РЕСПУБЛИКАСЫ САЙЛАЎШЫЛАРЫ МЕНЕН УШЫРАСЫЎДАҒЫ ШЫҒЫП СӨЙЛЕГЕН СӨЗИ (4-бөлим)

Соңғы бес жылда Қарақалпақстан Республикасындағы 12 аймақлық кәрханада Жергиликлилестириў бағдарламасы тийкарында  186 миллиард сумлық өним ислеп шығарылғанын айрықша атап өтиў керек.

Бул жерде жумыс ислеп атырған 66 қоспа кәрхананың 30 ы соңғы 5-6 жылда, тийкарынан бурын бундай кәрханалар болмаған районларда шөлкемлестирилгени де итибарға ылайық.

Киши бизнес ҳәм жеке исбилерменлик саласында Қарақалпақстан Республикасында соңғы бес жылда 6 мың 500 жаңа киши бизнес субъекти шөлкем­лестирилип, олардың саны 10 мыңнан асты. Бүгинги күнде жалпы аймақлық өнимниң дерлик ярымы, аймақлық экспорттың 75 проценти усы саланың үлесине туўры келмекте. Жумыс пенен бәнт болған халықтың 75 проценти әйне, усы салада мийнет етпекте.

Арал бойында жүзеге келген қыйын ҳәм аўыр ықлым шараятына қарамас­тан Қарақалпақстанлы дийқан ҳәм фермерлердиң пи­дәкерлик мийнети себепли аўыл-хожалығы саласында да үлкен нәтийжелерге ерисилмекте.

Республикада быйыл да пахта ҳәм ғәлледен мол зүрәәт жетистирилип, шәртнамалы режелер артығы менен орынланды. Соның менен бирге,  450 мың тоннаға шамалас картошка, мийўе-овощ ҳәм палыз өнимлери яки бул бағдарда 2011-жылға салыстырғанда 1,6 есе көп зүрәәт алынды. Сондай-ақ, 40 мың гектар майданда 140 мың тоннадан аслам салы жетис­тирилгенин айрықша атап өтпекшимен.

Пурсаттан пайдаланып, жыл даўамында қаҳарманларша мийнет етип, елимиздиң бәлент қырманына үлкен үлес қосқан дийқан ҳәм фермерлерге, барлық атыз мийнеткешлерине, пүткил Қарақалпақстан хал­қына өзимниң терең миннетдаршылығымды билдириўге рухсат еткейсиз.

Ҳүрметли дослар!

Қарақалпақстанда социаллық саладағы реформаларды әмелге асырыў бо­йынша да үлкен нәтийжелер қолға киргизилмекте. Бул ҳаққында сөз еткенде, бәринен бурын, жыллық жумыс орынларын шөл­кем­лестириў ҳәм халықтың бәнтлигин тәмийинлеў бағдарламаларынамуўапық, соңғы бес жылда 300 мыңға шамалас жаңа жумыс орнының жаратыл­ғанын атап өтиў лазым. Усы дәўирде аймақтағы 91 кәсип-өнер колледжин тамамлаған 142 мың пииткериўши  кәрхана ҳәм шөлкемлерге, киши бизнес субъектлерине бириктирилип, жумыс пенен тәмийинленди.

Республика экономикасының турақлы пәтлер менен өсип атырғаны себепли халықтың жан басына туўра келетуғын дәраматлар соңғы бес жылда 1,8 есеге көбейди. Бул болса,халықтың турмыс дәрежесин ҳәм сапасын жақсылаўға унамлы тәсир көрсетпекте. Буның дәлилин 2011-жылға салыстырғанда ҳәр жүз шаңараққа туўра келетуғын автомобильлердиң саны 1,8 есеге, пылесослар 1,9 мәрте, кир жуўыў машиналары, телевизор ҳәм музлатқышлар 1,2 есеге көбейгенинде көриў мүмкин.

Елимиздиң барлық аймақлары сыяқлы Қарақалпақстан Республикасында да қалалардың, елатлы пунктлер ҳәм аўыллардың көринисин түп-тийкарынан өзгертиў, оларды абаданластырыў, адамлар ушын заманагөй шараятлар жаратыў бойынша кең көлемли жумыслар әмелге асырылмақта. Соның ишинде, 2009-2016-жылларда аймақтың 134 аўыллық массивинде үлги жойбарлар тийкарында 3 мың 650 турақ жай қурылып, пайдаланыўға тапсырылды.

Нөкис қаласында соңғы еки жылда ески турақ жайлар, имарат ҳәм объектлердиң орнында 34 заманагөй көп қабатлы турақ жай қурылғанын айрықша атап өтиў керек. Быйылғы жылы және 18 әне усындай заманагөй турақ жай қурылып, пайдаланыўға тапсырылды.

Нөкис қаласының ора­йынан өтетуғын «Дослық» каналының еки ярым километрлик бөлеги бетонластырылып, еки тәрепи абаданластырылып, заманагөй дем алыў орнының қурылғаны қаланың көринисин түп-тийкарынан өзгертип жиберди. Ҳәзирги ўақытта каналдың және еки километрлик бөлегинде абаданластырыў жумыслары даўам еттирилмекте.

Буннан тысқары, қала орайында байрам илажлары өткерилетуғын заманагөй амфитеатр, «Жаслар орайы», ҳәр қыйлы спорт комплекслери бой тикледи.

Шавкат Мирзиёев: «Мен тек ғана өзбек халқының емес, бәлким қарақалпақ халқының да перзентимен!» >>>>

Шавкат Мирзиёев: "Гейде мен өзим, аграр ирригатор болмағанымда, бәлким шайыр боларма едим, деп ойлап қаламан">>>>

Шавкат Мирзиёев: "Қарақалпақстанда кейинги бес жылда 13 триллион 300 миллиард сумлық инвестиция өзлестирилди">>>>

Шавкат Мирзиёев: "Қарақалпақстанда соңғы бес жылда 6 мың 500 жаңа киши бизнес субъекти шөлкемлестирилды" >>>>

Шавкат Мирзиёев: "Қарақалпақстанда 120 жаңа кәрхана шөлкемлестириледи">>>>

Шавкат Мирзиёев: "Қарақалпақстанда улыўма нырқы дерлик 213 миллион доллар болған 8 инвестициялық жойбар әмелге асырылады" >>>>

Шавкат Мирзиёев: " 2017-жылы Нөкис қаласында 20 көп қабатлы турақ жай қурылады" >>>>

Шавкат Мирзиёев: "Қарақалпақстанда шетки аймақлардың халқы ушын 12 жаңа жөнелис шөлкемлестириледи" >>>>

Шавкат Мирзиёев: "Қарақалпақстанда келеси бес жылда 8 үлги жойбардағы балалар бақшасын қурылады">>>>

Шавкат Мирзиёев: "Қарақалпақстанда 16 кәрханада импорт орнын басатуғын дәри қуралларын ислеп шығарыў жолға қойылады"
 

Бөлимлер