Қоңыратта Екинши жер жүзилик урыс қатнасыýшыларына 7 млн 500 мың сум муғдарында сыйлықлар тапсырылды

  Екинши жер жүзилик урыста қурбан болған жерлеслеримизди  еслеý, қанлы саýаш майданларынан аман қайтып,елимиздиң раýaжланыýына үлес қосқан ветеранларды қәдирлеý- халқымыздың ағла пазыйлетлеринен.


  Президентимиздиң усы жыл 23-апрельдеги "Екинши жер жүзилик урыс қатнасыýшыларын хошаметлеý хаққында"ғы Пәрманына муýапық,фашизм үстинен ерисилген жеңистиң 74 жыллығы мүнәсибети менен урыс қатнасыýшыларына хәм майыпларына 7.500.000 сум муғдарында ақшалай сыйлықлар  салтанатлы жағдайда тапсырылмақта.


  Қарақалпақстан Республикасы Жоқарғы Кеңеси баслығының орынбасары А.Хамраев, район хәкими Б.Сапаров ,тийисли шөлкем ýәкиллери екинши жер жүзилик урыс қатнасыýшылары ,"Жиңишке" мәкан пуқаралар жыйыны турғыны Камал Юсупов хәм "Қумбыз" мәкан пуқаралар жыйынында жасаýшы ветеран Қудайберген Хожаметовтың шаңарақларында болып,хәр бирине  ақшалай сыйлықлар ды,байрам саýғалары-кир жуýыý машинасы хәм телевизор саýға етти. "Қырыққыз" посёлка пуқаралар жыйыны аймағында жайласқан әскерий бөлим хызметкерлери, районлық мәденият бөлими хызметкерлери тәрепинен урыс  ýақтындағы намалар ,аяқ ойынлар атқарылды. Өз гезегинде ветеран аталарымыз жасларды екинши жер жүзилик урыстың аянышлы ақыбетлерин умытпаýға, тынышлықтың қәдирине жетиýге шақырды.

Бөлимлер