Қарақалпақстан Республикасы Нөкис районлар аралық экономикалық судының судьясы тайынланды

Өзбекстан Республикасы «Судлар ҳаққында»ғы Нызамының 64-статьясына муӯапық биринши мәртебе тайынланған шахс судьялық антын қабыл еткеннен соң ӯазыйпасына кирисиӯи белгиленген.

Усы жылы 15-майда Қарақалпақстан Республикасы экономикалық суды Президиӯмында Қарақалпақстан Республикасы Жоқарғы Кеңесиниң 2019-жыл 11-май күнги Қарарына муӯапық Курбанбаев Рустам  Курбанбаевич судьялық лаӯазымында болыӯдың биринши бес жыллық мүддетине Нөкис районлар аралық экономикалык судының судьясы лаӯазымына тайынланғанлығының судьялық антын қабыл етиӯ мәресими болып өтти. 

 

Мәресимде, Қарақалпақстан Республикасы экономикалық суды баслығы Темирханова Бибисанем Таджибаевна өз сөзинде, судьялық жуӯапкершиликли кәсип екенлигин, әдил судлаӯды әмелге асырыӯда тек ғана Нызамға таяныӯ лазымлығы ҳаққында тохталып, судьялық лаӯазымына кирисип атырғанларға аӯмет тиледи.   

Еслетип өтемиз, Қарақалпақстан Республикасы Жоқарғы Кеңесиниң 2019-жыл 11-май күнги Қарарына муӯапық Ниязов Спартак Базарбаевич Қарақалпақстан Республикасы экономикалық судының судьясы лаӯазымына тайынланған еди. 

Қарақалпақстан Республикасы экономикалық суды баслығы Б.Темирханова

 

 

Бөлимлер