ҚМУ Журналистика кафедрасының доценти Малика Жумамуратова Қырғызстанда студентлерге лекция оқымақта

Бердақ атындағы Қарақалпақ мәмлекетлик университети журналистика кафедрасының доценти, ф.и.к. Малика Жумамуратова Қырғызстан Республикасы Ош мәмлекетлик университетинде студентлерге сабақ бермекте. Усы жылдың 14-15-май күнлери университеттиң Филология факультети Журналистика қәнигелигиниң студентлерине «Қарақалпақстан журналистикасының раўажланыў тенденциялары» темасында лекция өтти. 

Лекциялардан соң Малика Жумамуратова Ош мәмлекетлик университети бойлап саяхат етип, университеттиң оқыў процеси менен жақыннан танысты. «Ынтымақ» Қырғызстан Республикасы Телерадиокомпаниясының «Мунаввар кун» көрсетиўинде мийманда болып, сәўбет өткерди. 


Малика Жумамуратованың, Ош мәмлекетлик университети журналистика кафедрасының оқытыўшылары ҳәм студентлериниң фейсбук социаллық тармағындағы мағлыўматлары ҳәм сүўретлерине қарағанда, Малика Жумамуратованың студентлерге берген билимлери, өткен лекциялары мағлыўматларға бай болған. 


Профессор-оқытыўшылардың тәжирийбе алмасыўы, оларды сабақ процесине тартыў еки университет, әсиресе журналистика кафедралары ортасындағы байланысларды және де беккемлеўи сөзсиз. 

Сахибжамал Есемуратова

Бөлимлер