“Future Muynak” орайына оқыўға қабылланыў ушын ТИТУ Нөкис филиалы профессор-оқытыўшылары тәрепинен тест сораўлары алынды

Ғалаба хабар қураллары,интернет сайтлары,социаллық тармақлар арқалы танысып гуўасы болып атырсыз бүгин жаңа Мойнақ деп аталып атырған Арал бойларында үлкен өзгерислер, жаңа басламалар әмелге асырылмақта.

Сөзимиздиң тастыйқы сыпатында Мойнақ районында қурылып питкерилиў алдында турған информациялық технология тараўына тийисли  “Санлы технология орайы”, “Future Muynak” орайларын атап өтсек болады. Бул орайлар Мойнақ жаслары ушын және бир заманагөй имканиятлар дәргайы бола алады. 

Усы жылдың 24-28-май күнлери аралығында ТИТУ Нөкис филиалы профессор-оқытыўшылары ҳәм тийисли бөлим хызметкерлери “Санлы технология орайы”,“Future Muynak” орайлары ўазыйпалары менен жақыннан  танысты.Сондай-ақ, филал профессор-оқытыўшылары тәрепинен “Future Muynak” орайына оқыўға қабылланыўшылар арасында информатика пәни ҳәм логикалық сораўлар бойынша тест сораўлары алынды. 

Мағлыўмат сыпатында атап өтемиз, ”,“Future Muynak” орайы веб-программаластырыў, 2D анимация ҳәм 3D моделлестириў тараўларына қәнийгелестирилген болып, бул орайда жас программистлер бийпул таярланады. 

 

ТИТУ Нөкис филиалы Баспасөз хызмети

Бөлимлер