Исбилерменниӊ бузылған ҳуқықы қайта тикленип, Нөкис район ҳәким қарары ҳақыйқый емес деп табылды

  Нөкис районында жайласқан «MAYLIBAEV DUYSENBAY» жуўапкершилиги шекленген жәмийети баслығы Д.Майлыбаев Нөкис районы ҳәкиминиң 2018-жыл 10-декабрь күнги ““MAYLIBAEV-DUYSENBAY” жуўапкершилиги шекленген жәмийетине ажыратылып берилген жер майданларын ҳәкимият захира жер фондына қайтарып алыў ҳаққында”ғы 1894/12-санлы шешимин ҳақыйқый емес деп табыўды сорап судқа шағым арзасы менен мүрәжаат етти.

Өзбекстан Республикасы Ҳəкимшилик суд ислерин жүритиў ҳаққындағы кодексиниң 189-статьясы 2-бөлиминде “Суд, үстинен шағым етилип атырған қарар яки оның айырым бөлимлери ямаса ҳәрекетлер (ҳәрекетсизлик) нызам ҳужжетлерине қайшы екенлигин ҳәмде арза бериўшиниң ҳуқықлары ҳәм нызам менен қорғалатуғын мәплерин бузып атырғанлығын анықласа, қарарды яки оның айырым бөлимлерин ҳақықый емес, ямаса ҳәрекетлер (ҳәрекетсизлик)ди нызамсыз деп табыў ҳаққында ҳал қылыў қарарын қабыл етеди” деп көрсетилген.

Қараөзек районы ҳәкимшилик судыныӊ 2019-жыл 03-апрель күнги ҳал қылыў қарары бойынша арза бериўши «MAYLIBAEV DUYSENBAY» жуўапкершилиги шекленген жәмийети баслығы Д.Майлыбаевтыӊ шағым арзасы қанаатландырылып, Нөкис районы ҳәкиминиң 2018-жыл 10-декабрь күнги ““MAYLIBAEV-DUYSENBAY” жуўапкершилиги шекленген жәмийетине ажыратылып берилген жер майданларын ҳәкимият захира жер фондына қайтарып алыў ҳаққында”ғы 1894/12-санлы шешими ҳақыйқый емес деп табылды ҳәм жуўапкер Нөкис районы ҳәкимлигинен арза бериўши Д.Майлыбаевтыӊ пайдасына 16.218 сўм почта қәрежети пулы ҳәм мәмлекет пайдасына еӊ кем айлық ис ҳақыныӊ 10 есеси 2.027.300 сўм бажы пул өндирилди. 

Қараөзек районы ҳәкимшилик судыныӊ баслығы М.Бердимуратов

Бөлимлер