2019/2020-оқыў жылына абитуриентлерден жоқары оқыў орынларына ҳүжжет тапсырыў ушын жаратылған жеңилликлер

Усы жыл жоқары оқыў орынларына тест тапсыратуғын абитуриентлер ушын Өзбекстан Республикасы Министрлер Кабинетиниң 2019-жыл 7-июнь күни “Жоқары оқыў орынларына оқыўға кириў ушын ҳүжжетлерди қабыллаў бойынша мәмлекетлик хызметлерин көрсетиўдиң ҳәкимшилик регламентин тастыйықлаў ҳаққында”ғы       468-санлы қарары қабыл етилди.  2019/2020-оқыў жылынан баслап жоқары оқыў орынларларына кириў ушын абитуриентлерден Мәмлекетлик хызметлер орайлары арқалы да ҳүжжетлер қабыл етиў жолға қойылды. Мәмлекетлик хызметлер орайлары яки Өзбекстан Республикасы бирден-бир интерактив мәмлекет хызметлери порталы (интернет тармағы) арқалы республика мәмлекетлик жоқары оқыў орынлары бакалавриатына, яғный;

- Ташкент мәмлекетлик юридикалық университети,

- Қарақалпақ мәмлекетлик университети;

- Гүлистан мәмлекетлик университети;

- Ферғана мәмлекетлик университети;

- Самарқанд мәмлекетлик университети ҳүжжет тапсыра алыўы көрсетилген.

Жоқарыда көрсетилген жоқары оқыў орынларына оқыўға кириў ушын усы жылдың

15-июнь сәнесинен баслап ҳүжжетлер қабылланып келмекте. Бүгинги күнде Қараөзек районы мәмлекетлик хызметлер орайы тәрепинен жәми 118 абитуриенттиң ҳүжжетлери қабылланды.

Сондай-ақ, алыс аймақларда жасаўшы абитуриентлер ушын жәнеде имкәният ҳәм қолайлықлар жаратыў мақсетинде орынларға барған ҳалда көшпели тәртипте ҳүжжетлер қабыл қылынбақта.

Район аймағынан 50 км узақлықта жайласқан «Қойбақ», «Аллаяр Досназаров»  аўыл пуқаралар жыйыны аймағына барып абитуриентлердиң ҳүжжетлери көшпели тәртипте қабылланды. Бул мәмлекетлик хызметлер орайының пуқараларға жеңиликли тәрепи соннан ибарат, мәселен айтып өтетуғын болсақ өткен жыллары  жоқары оқыў орнына ҳүжжет тапсырыў ушын пайтахтқа барып бир күнлик ўактын жиберип, жол хақы жумсап барып жүретуғын болса, ал ҳәзирги күнде Президентимиз тәрепинен пуқараларға жаратылған кең имканиятлар ҳәм қолайлықлар берилип ҳәммеси мәмлекетлик хызметлер орайы тәрепинен әмелге асырылатуғын болды.

Ҳүрметли абитуриентлер жаз айының ыссы күнлери нәўбет күтип турмастан, Мәмлекетлик хызметлер орайына жоқарыда көрсетип өтилген жоқары оқыў орынларына ҳүжжетлерди күнниң 24-сааты даўамында, өзлериңизге қолай болған ўақытта тапсырыў имканиятына ийесиз.  

     Ўақтыңызды босқа жибермең!

 

 

Қараөзек районы Мәмлекетлик хызметлер

орайы бөлими баслығы:                                                                 А.Досымбетов

                                                                             

Бөлимлер