Қараөзекте базар жанындағы көпир пайдаланыўға тапсырылды

Жақында социаллық тармақларда Қараөзек районында жайласқан авариялық көпирден пуқаралардың өтип атырғаны бойынша сын материал жəрияланған еди.

Енди бул машқала өз шешимин тапты. Яғный, районның «Ғәрезсизлик гүзары» мәкән пуқаралар жыйыны аймағынан өтиўши мелиоратор коллекторының ПК 105+06 де жайласқан ишки хожалық көпирине «Келешек строй монтаж» жуўапкершилиги шекленген жәмийети тәрепинен сметалық баҳасы 260,0 млн. сўмлық ири қурылыс оңлаў жумыслары қысқа мүддетде əмелге асырылды.

Усы мүнəсибет пенен 21-июль күни қурылыс обьектиниң ашылыў мәресими болып өтти. Онда сөзге шыққан район ҳәкими Р.Жумабаев ҳәм бир қатар нураныйлар қурылыс жумысларын алып барған қурылысшылар ҳәм аймақта жасаўшы пуқараларды көпирдиң ашылыў мәресими менен қутлықлады. Ашылыў салтанаты барысында көпирдиң қурылыс жумысларында белсене қатнасқан қурылысшыларға район ҳәкимлиги тәрепинен миннетдаршылықлар билдирилип, баҳалы саўғалар тапсырылды.

Бөлимлер