Нөкисте бадминтон бойынша Қарақалпақстан Республикасы чемпионаты өткерилди

Жақында пайтахтымыздағы 1-санлы медициналық колледжи спорт залында «8-декабрь Өзбекистан Республикасы Конституциясы күни»не бағышланып спорттың бадминтон түри бойынша 1999-жылы туўылған ҳәм оннан киши жастағы жас өспиримлер менен қызлар арасында Қарақалпақстан Республикасы чемпионаты өткерилди.

Чемпионатты Қарақалпақстан Республикасы Мәденият ҳәм спорт ислери министирлиги ҳәм Өзбекистан бадминтон федерациясы Қарақалпақстан бөлими шөлкемлестирди. Бул жарысқа қала ҳәм районлардан 70 спортшы қатнасты.

Олардың бул жарысқа үлкен таярлық пенен келгенлери чемпионат даўамында көзге тасланды. Мысалы, олардан Нелуфар Айтмуратова, Айдос Байжанов, Айнура Тунгатарова, Казбек Махамбетовларды атап өтсек болады. Жарысқа қала ҳәм районлар жәми. Чемпионат Олимпия усылында, Халық аралық бадминтон федерациясының қағыйдаларына  муўапық, сондай-ақ, жас өспиримлер ҳәм қызлар арасында жеке, жуплық ҳәм аралас жуплық(микст) түрлеринде өткерилди.

Салтанат СЕЙИЛБЕКОВА, Дариға АБЛАЕВА,

ҚМУдың журналистика тәлим бағдарының 4-курс студентлери

Бөлимлер