Өзбекистан Республикасы Президентлигине талабан Сарвар Садуллаевич Отамуратовтың өмирбаяны

Өзбекистан «Миллий тикланиш» демократиялық партиясытәрепинен Өзбекистан Республикасы Президентлигине талабан Сарвар Садуллаевич Отамуратов 1973-жылы Ташкент қаласында туўылған. Миллети — өзбек. Мағлыўматы — жоқары, Ташкент мәмлекетлик университети философия-экономика факультетиниң социо­логия бөлимин, Өзбекистан Республикасы Банк-қаржы академия­сын, Өзбекистан Республикасы Президенти жанындағы Мәмлекетлик ҳәм жәми­йетлик қурылыс академиясын тамамлаған. Социология илимлериниң кандидаты.

1995-2006-жыллары Өзбекистан Республикасы Финанс министрлигиниң Валюта-экономика бас басқармасында жетекши экономист, бас экономист, бөлим баслығының орынбасары, басқарма баслығының орынбасары, басқарма баслығы лаўазымларында, 2006-2009-жыллары Қамсызландырыў компанияларында басшы лаўазымларда ислеген.

2009 ҳәм 2014-жыллары Өзбекистан Республикасы Олий Мажлиси Нызамшылық палатасының депутаты болып сайланған.

2010-2014-жыллары Өзбекистан Республикасы Олий Мажлиси Нызамшылық палатасының Бюджет ҳәм экономикалық реформалар комитети баслығының орынбасары сыпатында жумыс алып барған.

2013-жылы Сарвар Отамуратов Өзбекистан «Миллий тикланиш» демократиялық партиясы Орайлық Кеңесиниң баслығы болып сайланған.

Оның тиккелей басшылығында партияның кадрлар қурамы беккемленди, аймақлық партия шөлкемлериниң халық пенен ислесиў бойынша хызмети жетилистирилди, Халық депутатлары жергиликли Кеңеслериндеги партия топарларының орынлардағы Өзбекистан «Миллий тикланиш» демократиялық партиясының мақсет ҳәм ўазыйпаларын жүзеге шығарыў бойынша хызмети күшейтилди.

2015-жылдан бир ўақыттың өзинде Өзбекистан Республикасы Олий Мажлиси Нызамшылық палатасы Спикериниң орынбасары, Өзбекистан «Миллий тикланиш» демокра­тиялық партиясы фракциясының басшысы сыпатында жумыс алып бармақта.

Фракция басшысы лаўазымында депутатлардың социаллық ҳәм мәлимлеме тараўларын реформалаўға қаратылған нызам жойбарларын ислеп шығыў, орай ҳәм орынларда нәтийжели депутатлық қадағалаўды әмелге асырыўға байланыслы жумысларды сис­темалы шөлкемлестирди.

Сарвар Отамуратовтың глобалласыў шараятларында өзликти аңлаўды күшейтиў, пуқаралардың, әсиресе, жаслардың белсенди пуқаралық позициясын қәлиплестириў, жәмийетшиликтиң пикирин үйрениў ҳәм бас­қа да әҳмийетли темаларға бағышлан­ған бир қатар шығармалары, оқыў-методикалық қолланбалары ҳәм мақалалары баспадан шығарылған.

Шаңарақлы, еки перзенти бар.

Бөлимлер