Спиртли ишимлик ишип зорлық ислеген пуқараға ҳуким оқилды

С.А 2018-жыл 31-декабрь күни саат 19:00 лерде спиртли ишимлик ишкен мәс ҳалында Нөкис қаласы, 9-май көшесине жақын жердеги Қатты ағар каналының бойында С.З жолын тосып, С.Зның қолындағы сумкасын қоллары менен тартып, С.З қарсылық көрсеткенинде, оны аяқлары менен теўип, қоллары менен урып, оған ден-саўлығы ушын қәўипли болмаған зорлық ислетип, С.Зға тийисли баҳасы 5 млн 311 миң 500 сум муғдарында материаллық зыян жеткерген. Соның менен бирге, С.А пуқара С.Здан тартып алған сумкасының ишинде С.Зның атына рәсмийлестирилген пуқаралық паспорты бар екенин көрип, ғәрезгөйли ҳәм пәс нийетлерде пуқаралық паспортын нызамсыз ийелеп алып, өзиниң жасаў үйиниң төрги ханасында жайласқан ески сандықтың ишинде жасырып келген.

Ақыбетте С.А Өзбекистан Республикасы ЖКниң 166-статьясы 2-бөлими «а» бәнти ҳәм 227-статьясы 2-бөлими «а» бәнтинде көрсетилген жынаятларды сәдир еткенликте айыплы деп табылды.

Бөлимлер