Шымбайда Бердақ Ғарғабай улының 189 жыллығы шөлкемлестирилды

Усы күнлери республикамыздың кең жәмийетшилиги тәрепинен уллы шайыр бабамыз Бердақ Ғарғабай улының 189 жыллығы мүнәсибети менен өткерилип атырған Бердақ күнлери шеңберинде түрли илажлар шөлкемлестирилмекте.

Усындай илажлардың бири Шымбай районында да болып өтти.

Өзбекистан Республикасы Олий Мажлиси жанындағы мәмлекетлик емес коммерциялық емес шөлкемлерди ҳәм пуқаралық жәмийетиниң басқа да институтларын қоллап-қуўатлаў жәмийетлик фонды тәрепинен қаржыландырылған «Қарақалпақ әде­бияты» газетасының «Жас әўладларды Ўатансүйиўшилик руўхында тәрбиялаўда әдебияттың роли» атамасындағы жойбар шеңберинде Қарақалпақстан Республикасы Жазыўшылар аўқамы ҳәм Бердақ миллий музейи менен биргеликте өткерилген илаж қатнасыўшылары райондағы Қарақум ийшан қойымшылығына барып, Уллы шайыр қәбирин зыяратлады. Cондай-ақ, шайырдың оқып билим алған Қарақум ийшан медресесин барып көрди.

Соң райондағы 45-санлы улыўма билим бериў мектебинде «Жәҳән маған ҳәўес етип қарасын!» темасында илимий-әмелий конференция өткерилди.

Орынларда бул бағдардағы илажлар даўам етпекте.

Бөлимлер