Хожелиде еки мектеп пайдаланыўға тапсырылды

Район ҳәкимлигиниң хабар бериўинше күни кеше Хожели районы «Водник» посёлка пуқаралар жыйыны аймағында «Абат аўыл» бағдарламасы тийкарында 23- ҳәм 25-санлы улыўма орта билим бериў мектеплери пайдаланыўға тапсырылды. 

Реконстурукция жумысларына жәми 2 миллиард 168 миллион қаржы жумсалған мектеплерде оқыўшылардың заман талаплары тийкарында оқып билим алыўлары ушын барлық қолайлықлар жаратылған. 

Мектеп Өзбекстан Республикасы мәмлекетлик ғәрезсизлигиниң 28 жыллық байрамы алдынан район халқы ҳәм оқытыўшы-оқыўшылар ушын үлкен саўға болды.

 

Қарақалпақстан Республикасы Министрлер Кеңесиниң Мәлимлеме хызмети

Бөлимлер