Заман талабына сай имәратлар саны көбейип бармақта

Ең уллы байрам - Өзбекстан Республикасы мәмлекетлик ғәрезсизлигиниң 28 жыллығы жақынласқан сайын кеўлимизди шексиз қуўаныш сезимлери бийлемекте. Халқымыздың уллы пазыйлетлеринен бири болған байрамларды мол табыслар ҳәм республикамыздың жәмийетлик-сиясий турмысында әҳмийетли орын ийелейтуғын ўақыялар менен күтип алыў кең дәстүрге айланбақта.

 


Ҳәммемизге белгили, ҳәзирги күнде Ҳүрметли Президентимиз тәрепинен жаратылып берилген имканиятлар нәтийжесинде елимизде кең көлемли қурылыс ҳәм абаданластырыў жумыслары әмелге асырылмақта.
Бүгинги күнде ϴзбекстан Республикасы Президентиниң 2018-жылы 8-майдағы 3701-санлы қарары негизинде мәмлекетимиздиң Қанлыкөл, Қоңырат, Әмиўдәрья ҳәм Шымбай районларында Мәмлекетлик хызметлер орайлары имәратларының қурылыс жумыслары алып барылмақта. Жаңа Орай имәратларының пайдаланыўға тапсырылыўы усы жылдың октябрь айына режелестирилген.
Соның менен бирге Орай имәратларында Өзбекистан Республикасы Президентиниң Халық қабыллаўханасы ҳәмде Бас Министрдиң исбилерменлер қабыллаўханаларын жайластырыў нәзерде тутылған.
Орай имәратлары өзине тән архитектуралық ҳәм миллий дизайн өнерин өзинде жәмлеген болып, бири-бирин тәкирарламас заманагөй инвентарлар менен тәмийинленеди.
Жаңа орайлар пайдаланыўға тапсырылғаннан кейин электрон нәўбет алыў үскенелери, күтиў залы, балалар майданшасы, медицина ханасы, конференция өткериў заллары, инфокиосклары, китапхана жайласыўы белгиленген ҳәмде автомашина турар орны болыўы кутилмекте.
ϴзине тән дизайнда безелген залда жайластырылған заманагөй монитор ҳәм ресепшн – Орайларға мүрәжат еткен ҳәр бир пуқараға айырықша итибар қаратылыўының белгиси.

Мәмлекетлик хызметлер агентлиги
Қарақалпақстан Республикасы басқармасы

Бөлимлер