Мойнақдағы браконьерлерге жынаят иси қозғатылды

Социаллық тармақларда Мойнақ районы аймағында бир неше браконьерлердиң нызамсыз түрде аң аўлап, оларды тоқтатпақшы болған Қарақалпақстан Республикасы Экология ҳәм қоршаған орталықты қорғаў комитетиниң инспекторларының автомашинасына өзлериниң аң мылтығы менен оқ атқаны ҳаққындағы материал ҳәм видео көринислер көпшиликтиң дыққатын өзине тартпақта.

Жәрияланған материалда Қарақалпақстан Республикасы Ишки ислер министрлигинниң мәлимлеме хызмети бул ҳаққында рәсмий мағлыўмат бермегени де қосымша етилген. 

Итибарыңызға министрлик мәлимлеме хызметиниң усы рәсмий мағлыўматы ҳеш қандай өзгерислерсиз усынылмақта.

2019-жылдың 5-сентябрь сәнеси азанғы саат 06:30 лар шамасында Қараозек районында жасаўшы пуқаралар: 1972-жылы туўылған  Р.Г, 1975- жылы туўылған И.М, 1980 жылы туўылған С.Д, 1978-жылы туўылған К,Т ҳәм 1990 жылы туўылған У.А. лар өзлериниң  басқарыўындағы “УАЗ-469” маркалы м/б. 80С 401 ЕА автомашинада Мойнак районы Қазақдарья АПЖ аймағында жайласқан Акпеткей көлинде нызамсыз түрде аң аўлаўға барған ўактында оларды Қарақалпақстан Республикасы Экология ҳәм қоршаған орталықты қорғаў комитетиниң “УАЗ-469” маркалы м.б. 654 ГА хызмет автомашинасын басқарып киятырған хызметкерлери тоқтатпақшы болғанында, браконерлер нызамға бойсынбай қарсылык көрсетип, автомашина ишинде болған Д.С өзи менен бирге алып журген 12-калибрли 2 стволлы аң қуралы менен комитет хызметкерлери басқарыўындағы хызмет автомашинасының балон тәрепине қарата оқ атып автомашинаға материаллық зыян келтирип ўақыя орнынан кетип қалған. 

Бул ҳалат  бойынша Өзбекистан Республикасы Жынаят кодексиниң 219-статиясы 2-бөлими менен Қарақалпақстан Республикасы Мойнақ районы прократурасы тарепинен жынаят иси қозғатылып ҳәзирги ўақытта тергеў жумыслары алып барылмақта.

 

Қарақалпақстан Республикасы Министрлер Кеңесиниң Мәлимлеме хызмети

Бөлимлер