Ден саўлығына байланыслы кийимсиз жүрген пуқараға ҳәкимшилик исин жүргизиў тоқтатылды

Zaman.uz сайтының хабаршысы Мухаммед Бекмуратовтың берген мағлыўматына көре, 17-18-сентябрь күнлериниң биринде Нөкисте жаңадан ашылған Қарақалпақстан Республикасы тарийхы ҳәм мәденияты мәмлекетлик музейииниң алдында ер адам кийимсиз "сейил" еткен. Бул жағдай бойынша бизге Қарақалпақстан Республикасы Ишки ислер министрлиги рәсмий мағлыўмат берди.

 

«2019-жылдың 18-сентябрь күни саат 16:45лер шамасында Нөкис қаласы Пушкин көшеси бойында кийимсиз жүрген пуқара ишки ислер органлары хызметкерлери тәрепинен иркиўге алынып, сорастырыў жумыслары алып барылғанда бул пуқара Республикалық психо-неврологиялық диспансеринде диспансерлик  есапта турыўшы  Шымбай районында жасаўшы 1986-жылы туўылған Ш.Б екенлиги анықланды. Сол күнниң өзинде бул пуқара  Республикалық психо-неврологиялық  диспансерине тапсырылған.

Өзбекистан Республикасы Ҳәкимшилик жуўапкершилик ҳаққындағы кодексиниң 271-статьясына муўапық ҳәкимшилик иси жүргизиўден тоқтатылған».

Пул пуқараның қалайынша ҳәм қандай жағдайларда бул жерлерге келип қалғаны ҳаққында ҳеш қандай мағлыўмат жоқ.

  

 

Бөлимлер