Жәҳән чемпионы Үмидаға ҳәким 10 млн сум саўға етти

Усы жылдыӊ 10-14-октябрь күнлери Хожели районы 19-санлы мектебтиң 10-класс оқыўшысы Джуманиязова Үмида Мәўленберген қызы спорттыӊ «Самбо» түри бойынша Ташкент қаласында өткерилген Жәҳән чемпионатында 48 кг. салмақ категориясында сыйлы
1-орынды ийелеп, мәмлекетимиз байрағын жоқары шыӊларға көтерди.


Ол чемпионат шерек финалында Франциялы, ярым финалда Белоруссиялы, ал, финалда болса Россиялы қарсыласын жеӊип "Жәҳән чемпионы" болды. Бүгин район ҳәкимлиги имараты алдында жеӊимпаз кызымызды салтанатлы күтип алыў мәрәсими болып өтти. Онда ҳәким Ж.М.Ермашев сөзге шығып, жыйналғанларды бүгинги жеӊис пенен шын кеўилден қутлықлап, спортшы қызымызды 10 млн сум муғдарында қаржылай саўға менен сыйлықлады.

Бөлимлер