Кунниң баслы темасы “БАЗ БАЯҒЫ БАЯҒЫ” болып қала береди ме? Яки пресс-конференциядан соң базар стоянкидеги машкала шешиледи ме?

Хабарыңыз бар бүгин Қарақалпақстан Республикасы Министрлер Кеңесинде «Транспорт хызметин көрсетиўдеги сапа ҳәм алдағы ўазыйпалар» атамасында пресс-конференция болып өтти. Пресс-конференцияда Қарақалпақстан Республикасы Транспорт Министри орынбасары Тимур Сарыбаев ҳәм Қарақалпақстан Республикасы Транспорт Министрлиги инспекторы  Сратдинов Анвардан  төмендеги  тийкарғы сораўларға жуўаплар алдық.

Сораў: Қала ишиндеги жөнелисли транспортлар (маршурткалар) кешки сааат нешеге шекем қатнаўы тийис?

Жуўап: Қала ишиндеги жөнелисли транспортлар (маршурткалар) гузги қызкы мәўсимде азанғы саат 7 ден  ҳәр күни кешки саат 20:00 ге шекем қатнаўы керек. Бәҳәр-жаз  маўсиминде азанғы саат 6 дан 21 00 ге шекем.

Сораў: Бүгинги күнде Нөкис қаласында неше дана автобуслар қойылған?

Жуўап: Қала ишинде жәми 58 автобуслар қатнаўы жолға қойылған. Солардан 4 жеке меншик саналады.

Сораў: Дамас автомашиналардың орнына автобуслар койыў  илажы барма?

Жуўап: Буның ушын 278 дана автобуслар зәрүр.Автобуслардың жетиспеўиниң себеби 2016-жыл 1 январьда  “ISUZU” автобуслары 98 млн сум еди, сол жылы сентябрьде баҳасы 250 млнга өсти. Ал автобусларды кредитлестиретуғын болса 26-30 % тен туўра келмекте.Бул қолайлы емес. Егерде кредитке алынатуғын болса, газ куйыўынан басқа 430 000 сум кунине тапсырыўға туўра келеди.

Сораў: Кайсы жөнелислер бойынша автобуслар катнаўы жолға койылған?

Жуўап: 4; 8; 12; 10; 7;21

Сораў: Ташкент-Нөкис жөнелиси бойынша айдаўшылар қатнаўы ушын лицензияға ийе ме олар қадағалана ма?

ЖуўапТаксилер ушын нызам тийкарында негизи 400 кмден артық жол жүриў қадаған етилген. Сонлықтан оларға Ташкент-Нөкис жөнелиси ушын  лицензия берилмеген.Бул бойынша бүгинги күнде рейдлер шөлкемлестирилмекте. Бирақта автобуслар қатнаўына рухсат етилген.  Таксилер орнына қатнаўды жолға қойыў ушын 198 дана таза автобуслар келген. Булар тез арада жолға қойылады.

Сораў: Ең көп қайсы аймақлардан мүрәжәәтлер келип түспекте?

Жуўап: Қызкеткен елатынан келип туспекте. Себеби базар стоянкиден 13 км алыс  40 минутлык жол.

Сораў: Жәмийетлик транспортлардың табличка маселеси бойынша ким жуўапкер?

Жуўап: Транспорт Министрлиги жуўапкер яғный Транспортлар каўипсизлигин баклаў бөлими шуғылланады.Айдаўшыларға  шаралар қолланып яғный табличкаларын алып койған ўакытларымызда болған  бирақта олар базардан 2 мың  3мың сумға кайтадан шығарып алып автомашиналарына қыстырып коймакта.

Сораў: Сизлер өзлериниздиң ислеп атырған жумысларыңыздан қанаатланасыз ба?

ЖуўапТранспорт Министрлиги шөлкемлестирилгенине 5 ай болды. 5 айлык Министрликке бул жумыслар болады деп есаплаймыз.

Пресс-конференция жуўмағында журналистлер тәрепинен усыныслар билдирилди. Яғный, базар стоянкидеги машкала кашан автобуслар қойылмағанша шешилмейди. Ал, егерде автобусларды кредитлестириўдиң тийисли жолы табылмаса, базар стоянкидеги күнделикли аҳўал  кунниң баслы темасы “БАЗ БАЯҒЫ БАЯҒЫ” болып қала береди.

"KRuz.uz" 

Бөлимлер