Бозатаў ҳәм Тахтакөпир районларына хызмет транспортлары тапсырылды

Бүгин Өзбекстан Республикасы Ветеринария ҳәм шарўашылықты раўажландырыў мәмлекетлик комитети тәрепинен Бозатаў ҳәм Тахтакөпир районлары Ветеринария ҳәм шарўашылықты раўажландырыў бөлимине Нива Шевролет, арнаўлы лабораториялық әспаб-үскенелер орнатылған «Дамас» ҳәм еки дана «мотоцикл» транспорт қураллары салтанатлы жағдайда тарсырылды.

Онда Өзбекстан Республикасы Ветеринария ҳәм шарўашылықты раўажландырыў мәмлекетлик комитети басқарма баслығы М.Юсупов ҳәм Қарақалпақстан Республикасы Ветеринария ҳәм шарўашылықты раўажландырыў мәмлекетлик комитетиниң баслығы Б.Қурбаниязов қатнасты.

Мағлыўмат орнында атап өтиў орынлы, Ҳүрметли Президентимиз Ш.М.Мирзиёевтиң усы жылдың 20-21-август күнлери Қарақалпақстанға сапары даўамында ҳәр бир район ҳәм қаланың өзине тән өзгешеликлери ҳәм имканиятларынан келип шығып, оларды түрли  тараўларға қәнигелестириў бойынша усыныслар берген еди.

Соның ишинде,  Бозатаў, Тахтакөпир, Мойнақ ҳәм Қоңырат районлары шарўашылыққа қәнигеисиўи белгиленди.

Ҳәзирги ўақытта бул районларда усы тараўды раўажландырыў бойынша бир қатар унамлы жумыслар алып барылмақта. 

 

Қарақалпақстан Республикасы Министрлер Кеңесиниң Мәлимлеме хызмети

 

Бөлимлер