Өзбекстан Экология партиясының стратегиясы белгиленбекте

Өзбекстан экология партиясының Қарақалпақстан Республикалық партия шѳлкеми тәрепинен Нѳкис мәмлекетлик педагогика институтының мәжлислер залында “Сайлалар: ғалаба стратегиясы ҳәм тактикасы” атамасында оқыӯ семинары шѳлкемлестирилди. Оқыӯды Ташкент қаласынан С.А.Ходжаева Демократия ҳәм инсан ҳуқықлары институти директоры, Өзбекстан Республикасы  Президенти  жанындағы Консультатив Кеңеси ағзасы,  юридик пәнлери талабаны,  Умарова  Шоира Бутаевна “Демократия ҳәм инсан ҳуқықлары институты директоры орынбасары ҳәмде  Саидова Лола Абдувахидовна, юридикалық пәнлери докторы, профессорлар алып барды.

Семинарға Өзбекстан Республикасы Олий Мәжлис нызамшылық Палатасына, Қарақалпақстан Республикасы Жоқарғы Кеңесине, қала ҳәм районлық кеңеслерге қойылған талабанлар қатнасып, оқыӯ даӯамында сайлаӯалды ушрасыӯлардың нызамда белгиленген тәртип ҳәм талаплары, сайлаӯлар ҳәм оның ѳткерилиӯи менен байланыслы болған барлық билим ҳәм кѳнликпелерге ийе болды.

Экология ҳәм қоршаған орталық пенен байланыслы барлық машқалалар ҳалықтың ең әҳмийетли мәселесине айланып, партияның ендиги стратегиясы адамлар арасына жалын киби кирип, экологиялық мәденияты қәлиплескен, жеке гигиена қағыйдарына барлық ӯақыт әмел қыла алатуғын медициналық мәдениятлы әӯладты жаратыӯ ӯазыйпасы жүкленди.

Партияның сайлаӯалды дәстүринде белгиленген қоршаған орталықты қорғаӯ, ана тәбиятымызды кѳз қарашығымыздай асыраӯ барлық тараӯ ӯәкиллериниң ең әҳмийетли машқаласына айландырыӯда партиядан үлкен сиясий күш ҳәм билимди талап етеди. Стратегия бар жерде раӯажланыӯ болады, раӯажланған мәмлекет күшли, билимли ҳәм мәдениятлы ҳалықты қәлиплестиреди. Оқыӯ семинары барлық қатнасыӯшыларда сиясий ҳәм ҳуқуқый тәрептен билим кѳнликпелерин асырып, алған тәсирлеринен үнемли пайдаланыӯ кереклиги ҳаққында пикирлер алмасылды.

Бөлимлер