Нөкисте 2020-жылдан баслап жол ҳақын төлеўдиң автоматластырылған системасы еңгизиледи

Жол ҳақын төлеўдиң автоматластырылған системасы енгизиледи, деп мәлим етеди Қарақалпақстан Республикасы Әдиллик министрлигиниң "ҳуқықый мәлимлеме" каналы.

Хабарда айтылыўынша 25-ноябрь күни “Улыўмалық пайдаланылатуғын транспортта жолаўшы тасыўда жол ҳақы төлеўдиң автоматластырылған системасын енгизиў ҳаққында”ғы Ҳүкимет қарары қабыл етилди.

Қарарға муўапық, улыўмалық пайдаланылатуғын транспортта жолаўшы тасыў ушын жол ҳақыны төлеўдиң автоматластырылған системасын енгизиў басқышпа-басқыш:

Ташкент қаласында «Тошшаҳартрансхизмат» АЖ ҳәм «Тошкент метрополитени» УКның айырым бағдарларында көрсетилген жолаўшы тасыў хызметлери ушын — 2020-жыл 1- январдан баслап;

Нөкис қаласы ҳәм ўәлаят орайларында жолаўшы тасыў хызметлери ушын — 2020-жыл 1-августтан баслап;

республиканың бәрше аймағында жолаўшы тасыў хызметлери— 2021-жыл 1- январдан баслап әмелге асырылады.

Айырықша пуқаралар тайпалары ушын жеңилликли транспорт карталарын жекелестириў ҳәм карта өзине түсер баҳасы бойынша сатыў мәмлекетлик хызметлер орайы арқалы әмелге асырылады.

Халыққа транспорт хызметин көрсетиўши юридикалық шахслардың автоматластырылған системаға жалғаныўы жолаўшы тасыў хызметлерин көрсетиў ҳуқықын бериўши тендер (таңлаў) бойынша питимлерде көрсетиледи.

Қарарға көре, автоматластырылған система ушын тарифлерди белгилеў тәртиби ислеп шығылады.

Онда, бир төлем менен бир неше транспорт ямаса транспорт түринен пайдаланыў имканияты, бағдарындағы ўақыт ҳәмде аралықтан келип шыққан ҳалда белгиленетуғын тариф режелерин енгизиў уқсаған мәселелер нәзерде тутылады.
 

Дерек: "Zaman.uz"

Бөлимлер